Aŭstryja viartaje pamiežny kantrol, tym samym častkova prypyniajučy svoj udzieł u Šenhienskim pahadnieńni. Pra heta ŭ intervju haziecie Österreich paviedamiŭ fiederalny kancler Viernier Fajman.
«Ciapier na [našaj] miažy spatrebicca pradjavić dakumient, jaki zaśviedčvaje asobu. Kali Jeŭrasajuzu nie ŭdajecca harantavać biaśpieku źniešnich miežaŭ, to vykanańnie Šenhienskaha pahadnieńnia ŭ cełym stavicca pad pytańnie. U hetym vypadku kožnaja kraina pavinna kantralavać svaje miežy», - zajaviŭ kiraŭnik aŭstryjskaha ŭrada.
Pa słovach kanclera, z 17 studzienia ŭłady buduć uzmocniena kantralavać pieramiaščeńnie mihrantaŭ i vysyłać tych, chto nie maje prava na prytułak ci nie padaŭ adpaviednaha prašeńnia. Fajman raskrytykavaŭ Brusel za, na jaho dumku, zanadta pavolnaje vyrašeńnie kryzisu, źviazanaha ź biežancami. «Šakiruje, što ŭ ES ź jaho składanaj strukturaj nie moža chutka vyrašycca takoje važnaje pytańnie», - adznačyŭ jon.
Staršynia fiederalnaha ŭrada taksama paabiacaŭ, što budzie błakavać pradastaŭleńnie finansavaj dapamohi ŭsim krainam, jakija admaŭlajucca prymać pierasialencaŭ. «Chto nie salidarny ŭ pytańni biežancaŭ, pavinien ličycca z pravam vieta na hranty», - padkreśliŭ Fajman.
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary