Ułady Makiedonii abviaścili ab rašeńni zakryć dla mihrantaŭ miažu z Hrecyjaj, dzie sabrałosia ŭžo kala 600 čałaviek.
Palicyja horada Skopje śćviardžaje, što padstavaj dla pryniaćcia takoha rašeńnia stali techničnyja prablemy ź ciahnikami ŭ Słavienii, jakaja zvyčajna stanovicca dla mihrantaŭ nastupnym za Makiedonijaj etapam šlachu ŭhłyb Jeŭropy.
Palicyja adznačaje, što z-za hetaha mihranty zatrymlivajucca ŭ Makiedonii i akazvajuć niehatyŭny ŭpłyŭ na žyćcio ŭ krainie. U suviazi z hetym bolš ich prapuskać u krainu nie buduć.
Raniej u sieradu Sierbija i Charvatyja abviaścili, što bolš nie buduć prymać mihrantaŭ sami i hatovyja tolki prapuskać skroź svaju terytoryju tych, chto płanuje źviarnucca za palityčnym prytułkam da ŭładaŭ Aŭstryi i Hiermanii.
Sama Aŭstryja raniej abviaściła ab prypynieńni dziejańnia Šenhienskaha pahadnieńnia. Praź miažu buduć prapuskać tolki tych biežancaŭ, u jakich jość farmalnaje prava zapytać u krainie palityčny prytułak.
Akramia taho, ułady Aŭstryi źnizili kvotu na pryjom mihrantaŭ na 2016 hod. Ciapier jany hatovyja pryniać tolki krychu bolš za 37 tysiač čałaviek, u toj čas jak za 2015 było zarehistravana 90 tysiač prašeńniaŭ ab pradstaŭleńni prytułku.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca12
Kamientary