Milicyja: «Dabravolski prabraŭsia ŭ słužbovaje pamiaškańnie i praciahvaŭ supraćpraŭnyja dziejańni»
Na sajcie MUS źjaviłasia karotkaje paviedamleńnie datyčna ŭčorašniaha źbićcia žurnalista Tut.by i jašče dvuch chłopcaŭ u sudzie Frunzienskaha rajona Minska.
«25 studzienia 2015 hoda ŭ sudzie Frunzienskaha rajona h. Minska ŭ chodzie razhladu kryminalnaj spravy dvoje niepracujučych žycharoŭ h.Maładziečna pieraškadžali praviadzieńniu sudovaha pasiadžeńnia.
Sudździoj było vyniesiena papiaredžańnie ab mahčymaści vydaleńnia z zały suda, na jakoje jany nie adreahavali. Pa ŭkazańni sudździ supracoŭnik milicyi prapanavaŭ dadzienym hramadzianam pakinuć pamiaškańnie suda.
Na zakonnyja patrabavańni supracoŭnika milicyi pakinuć zału suda hramadzianie nie adreahavali i akazali niepadparadkavańnie, u suviazi z čym da ich była prymieniena fizičnaja siła.
Taksama byŭ zatrymany hramadzianin P. Dabravolski, jaki pranik u słužbovaje pamiaškańnie, dzie znachodzilisia parušalniki pravaparadku, pieraškadžaŭ zakonnym dziejańniam supracoŭnikaŭ milicyi, na zaŭvahi spynić svaje supraćpraŭnyja dziejańni nie reahavaŭ.
U dačynieńni da adnaho z zatrymanych sudździoj suda Frunzienskaha rajona h.Minska byŭ składzieny administracyjny pratakoł pa st.24.1 (Niepavaha da sudu) KaAP, supracoŭnikami milicyi - administracyjny pratakoł pa st.23.4 (Niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ) KaAP. U dačynieńni da dvuch inšych zatrymanych - administracyjnyja pratakoły pa st.st.17.1 (Drobnaje chulihanstva) i 23.4 (Niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ) KoAP Respubliki Biełaruś.
Spravy ab administracyjnych pravaparušeńniach byli razhledžanyja ŭ pakazanym sudzie, apošnija padvierhnuty administracyjnym spahnańniam u vyhladzie štrafu.
U adpaviednaści z Zakonam «Ab orhanach unutranych spraŭ» dla spynieńnia supraćpraŭnych dziejańniaŭ ŭžyvałasia fizičnaja siła. Pa fakcie pravamiernaści jaje ŭžyvańnia ŭ HUUS Minharvykankama pryznačanaja słužbovaja pravierka», — havorycca na sajcie HUUS Minharvykankama.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary