Apublikavany rejtynh najlepšych krain dla pierajezdu paśla vychadu na piensiju
Amierykanskaje vydańnie Internationalliving.com skłała rejtynh krain śvietu, kudy varta pierajazdžać paśla vychadu na piensiju. Pieršaje miesca ŭ śpisie zaniała Kambodža.
Usiaho ŭ śpis uvajšło 23 krainy. Asnoŭnym arhumientam dla prysudžeńnia pieršaha miesca stała tannaść žyćcia ŭ karaleŭstvie. Składalniki śpisu paraŭnoŭvali štodzionnyja vydatki žycharoŭ — pakupki ŭ charčovych kramach, kvitki ŭ kino, siaredni ček u restaranach, košt kamunalnych pasłuh, abaniemienta ŭ spartzału i inšyja. U toj ža čas jany ŭdakładnili, što havorka idzie pra tych, chto atrymlivaje piensiju ŭ dalarach.
Tak, u stalicy Kambodžy Pnampieni arenda kvatery z dvuma spalniami abydziecca ŭ $300 u miesiac, abied sa stravy sa śvininaj i rysam abo łokšynaj u siarednim budzie kaštavać $3-4 na čałavieka ŭ restaranie miascovaj kuchni i $6-8 u restaranie jeŭrapiejskaj abo amierykanskaj kuchni. Butelka francuzskaha abo aŭstralijskaha vina abyjdziecca ŭ $10, a piva — u 50 centaŭ za kielich.
Kali piensijaniery buduć kuplać pradukty ŭ supiermarkiecie, heta budzie kaštavać im $150 u miesiac. Akramia taho, pasłuhi mabilnaj suviazi, uklučajučy 71 chvilinu mižnarodnych zvankoŭ, buduć kaštavać kala $1,5 u miesiac.
Na druhim miescy rejtynhu raźmiaščajecca Nikarahua, a na trecim — Kałumbija.
Kamientary