Siońnia stała viadoma, što hałoŭny redaktar časopisa «Biełaruskaja dumka» Vadzim Hihin pryznačany dekanam fakulteta fiłasofii i sacyjalnych navuk BDU. Heta «Našaj Nivie» paćvierdzili ŭ dekanacie fakulteta.
38-hadovy Vadzim Hihin naradziŭsia ŭ Minsku. Jon skončyŭ histaryčny fakultet BDU. U aśpirantury abaraniŭsia z dysiertacyjaj «Farmiravańnie adnapartyjnaj sistemy ŭ Biełarusi (1917—1925 hady)».
Pracavaŭ u pres-słužbie hienieralnaj prakuratury (padnačalenym prapahandysta Jurja Azaronka), byŭ pieršym sakratarom Minskaj haradskoj arhanizacyi BRSM.
Apošnija vosiem hadoŭ jon redahavaŭ časopis «Biełaruskaja dumka», zasnavalnikam jakoha źjaŭlajecca Administracyja prezidenta. Hihin byŭ u śpisie nieŭjaznych na terytoryju Jeŭrasajuza biełaruskich čynoŭnikaŭ i žurnalistaŭ.
U svoj čas Hihin zachaplaŭsia asobaj vilenskaha hubiernatara Muraŭjova-viešalnika: «Moža, trochi niestandartny vybar, ale mnie zaŭsiody impanavaŭ vilenski hienierał-hubiernatar Michaił Mikałajevič Muraŭjoŭ, jaki zdušyŭ paŭstańnie 1863 hoda. Ale ja dobra vyvučyŭ jaho bijahrafiju. Heta byŭ nadzvyčajny čałaviek, administratar, kiraŭnik, jaki moža słužyć prykładam dla luboha dziaržaŭnaha dziejača».
Apošnija hady Vadzim Hihin taksama byŭ viadučym na telekanale ANT.
Jahonaja prahrama «Sprava pryncypu» vychodziła štopaniadziełak a 21 hadzinie. Cikava, ci zastaniecca jon pracavać na telebačańni paśla pryznačeńnia na novuju pasadu?
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili4
Kamientary