Pientahon maje namier u čatyry razy pavialičyć vydatki na vajennuju dapamohu ŭ Jeŭropie. Asnoŭnymi pahrozami amierykanskija čynoŭniki nazyvajuć ekstremisckuju hrupoŭku «Isłamskaja dziaržava» i Rasieju, čyje pavodziny jany charaktaryzujuć jak «usio bolš ahresiŭnyja».
Pa słovach pradstaŭnikoŭ vajennaha viedamstva ZŠA, prapanavanaja inicyjatyva abyjdziecca ŭ 3,4 młrd dalaraŭ i dazvolić pavialičyć ratacyju vajennych i kolkaść pravodzimych vučeńniaŭ, a taksama raźmiaścić vajennuju techniku ŭ Jeŭropie.
Čynoŭniki kažuć, što źmieny ŭ «Inicyjatyvie pa zabieśpiačeńni jeŭrapiejskaj biaśpieki» u asnoŭnym nieabchodnyja dla zaspakajeńnia sajuźnikaŭ, jakija ustryvožanyja z-za rasiejskaj anieksii Kryma i padtrymki Maskvoj sieparatystaŭ na ŭschodniaj miažy Ukrainy, jakuju rasiejskija ŭłady admaŭlajuć.
Čakajecca, što ministr abarony Eštan Karter raskaža pra płan finansavańnia ŭ subotu ŭ svaim vystupie ŭ ekanamičnym kłubie ŭ Vašynhtonie. Da hetaha čynoŭniki minabarony mohuć kazać pra majučuju adbycca pramovu tolki na ŭmovach ananimnaści.
Prapanovy Pientahona pa biudžecie na 2017 hod buduć apublikavanyja na nastupnym tydni ŭ ramkach prajekta fiederalnaha biudžetu. Čakajecca, što minabarony moža zapytać pavieličeńnie vydatkaŭ na 35%.
Hihancki vajenny biudžet ZŠA našmat pieraŭzychodzić vydatki na abaronu inšych krain, i pieravyšaje sukupnyja vydatki na abaronu nastupnych vaśmi krain z najbujniejšym vajennym biudžetam.
Kamientary