Пентагон мае намер у чатыры разы павялічыць выдаткі на ваенную дапамогу ў Еўропе. Асноўнымі пагрозамі амерыканскія чыноўнікі называюць экстрэмісцкую групоўку «Ісламская дзяржава» і Расею, чые паводзіны яны характарызуюць як «усё больш агрэсіўныя».
Па словах прадстаўнікоў ваеннага ведамства ЗША, прапанаваная ініцыятыва абыйдзецца ў 3,4 млрд даляраў і дазволіць павялічыць ратацыю ваенных і колькасць праводзімых вучэнняў, а таксама размясціць ваенную тэхніку ў Еўропе.
Чыноўнікі кажуць, што змены ў «Ініцыятыве па забеспячэнні еўрапейскай бяспекі» у асноўным неабходныя для заспакаення саюзнікаў, якія устрывожаныя з-за расейскай анексіі Крыма і падтрымкі Масквой сепаратыстаў на ўсходняй мяжы Украіны, якую расейскія ўлады адмаўляюць.
Чакаецца, што міністр абароны Эштан Картэр раскажа пра план фінансавання ў суботу ў сваім выступе ў эканамічным клубе ў Вашынгтоне. Да гэтага чыноўнікі мінабароны могуць казаць пра маючую адбыцца прамову толькі на ўмовах ананімнасці.
Прапановы Пентагона па бюджэце на 2017 год будуць апублікаваныя на наступным тыдні ў рамках праекта федэральнага бюджэту. Чакаецца, што мінабароны можа запытаць павелічэнне выдаткаў на 35%.
Гіганцкі ваенны бюджэт ЗША нашмат пераўзыходзіць выдаткі на абарону іншых краін, і перавышае сукупныя выдаткі на абарону наступных васьмі краін з найбуйнейшым ваенным бюджэтам.
-
Пуцін запатрабаваў ад Украіны прызнаць «рэферэндумы» на акупаваных тэрыторыях і адмовіцца ад уступлення ў «любыя замежныя саюзы»
-
«Значыць, я шмат добрага зрабіла». За што расійскую валанцёрку Надзін Гейслер, якая дапамагала ўкраінцам, прыгаварылі да 22 гадоў калоніі
-
Кіраўнік палесцінскага падраздзялення КВІР забіты ў кватэры ў Іране
Цяпер чытаюць
Лукашэнка сустракаецца са спецпасланнікам Трампа Кітам Келагам1
Каментары