Adziny hieahrafičny atłas Biełarusi źjavicca ŭ 2016 hodzie, paviedamiŭ siońnia staršynia Dziaržkammajomaści Andrej Hajeŭ na kalehii kamiteta.
«U 2016 hodzie my zavieršym rabotu nad stvareńniem adzinaha hieahrafičnaha atłasa, jaki budzie karysny i cikavy jak vykładčykam i studentam, tak lubomu čałavieku, jaki cikavicca kartahrafijaj. Rychtujecca da vydańnia apošni, čaćviorty tom Vialikaha histaryčnaha atłasa Biełarusi», - adznačyŭ Andrej Hajeŭ.
U śfiery hieadezičnaj dziejnaści staršynia Dziaržkammajomaści ličyć nieabchodnym u pieršuju čarhu vyrašać pytańni, što datyčacca dziaržaŭnych tapahrafičnych kart. «Ich abnaŭleńnie treba paskoryć. Užo stvorany prahramny kompleks, jaki daŭ mahčymaść aŭtamatyzavać praces pa ich stvareńni na 50 pracentaŭ», — dadaŭ Andrej Hajeŭ.
Dla abnaŭleńnia tapahrafičnych kart i stvareńnia dziaržaŭnych navihacyjnych kart vykarystoŭvajucca kaśmičnyja zdymki ziamnoj pavierchni, atrymanyja z abjadnanaj arbitalnaj hrupoŭki, jakaja składajecca ź Biełaruskaha kaśmičnaha aparata i rasijskaha spadarožnika «Kanopus-V». Zdymki pradastaŭlajucca pa optyka-vałakonnaj suviazi nacyjanalnym apierataram biełaruskaj kaśmičnaj sistemy.
Da hetaha času vyrablenyja dziaržaŭnyja navihacyjnyja karty maštabu 1:10 000 Minska, abłasnych centraŭ, a taksama Babrujska, Barysava, Žodzina i Mazyra. Hatovy karty maštabu 1:100 000 transpartnych kalidoraŭ mižnarodnaha i respublikanskaha značeńnia
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary