Klip na pieśniu pra łabuteny hrupiroŭki «Leninhrad» za try tydni na YouTube prahledzieli bolš za 33 miljony razoŭ.
Łabuteny — heta rasijskaja narodnaja nazva žanočych tuflaŭ brenda Christian Louboutin (Krystyjan Lubuten). Jany vyłučajucca vysačeznym tonkim abcasam i čyrvonaj padešvaj.
Abutak pryhožy, jakasny i niatanny: majstry vykarystoŭvajuć aksamit i ekzatyčnuju skuru, strazy Svaroŭski i inšyja darahija materyjały.
Punsovaja padešva — zarehistravany handlovy znak brenda.
Dyzajnier śćviardžaje, što pry raspracoŭcy hetaha abutku jon braŭ za asnovu čaraviki dla prafiesijnych tancaŭ, tamu, niahledziačy na vysoki abcas, chadzić u im vielmi zručna.
Louboutin vypuskaje taksama i inšy abutak: boty, baciljony, basanožki i navat kiedy.
U Minsku Louboutin taksama pradajucca. Typovy košt — 250—650 dalaraŭ za paru.
Možna nabyć praź internet-kramu (naprykład, tut).
Dla bolš ścipłych patrabavańniaŭ: biełaruska-kitajskaja krama tao.by prapanuje «repliki» — kitajskija łabuteny, za ich daviadziecca zapłacić kala sta dalaraŭ.
A siarod pryvatnych abjaŭ možna znajści čaravički sekand-chend ad 200 da 700 tysiač biełaruskich rubloŭ.
Najbližejšaje aficyjnaje pradstaŭnictva viadomaha brenda znachodzicca ŭ Maskvie. «Rasprodažnyja» ceny tut pačynajucca ad 30 tysiač rasijskich rubloŭ (prykładna 400 dalaraŭ).
Pošukavyja resursy susiedniaj Polščy na naš zapyt vydali niekalki spasyłak na tyja ž dalikatna nazvanyja «repliki» z koštam 500—700 złotych (120—180 dalaraŭ) za paru.
U Vilni lubuteny pa internet-zapycie vyjaŭlenyja nie byli.
U Kijevie vybar davoli bahaty, ceny vahajucca ad 18 da 52 tysiač hryvień (700—2000 dalaraŭ).
Darečy, paśla vychadu pieśni «Ekspanat», jakaja prasłaviła łabuteny, na maskoŭskaj vystavie «Van Hoh. Pałotny, što ažyli 2.0», u peŭnyja dni dziaŭčaty «ŭ abutku na špilkach vyšejšych za 10 sm» atrymali mahčymaść naviedać vystavu biaspłatna.
Kryścijan Lubuten miž tym zajaviŭ, što na abjom prodažaŭ papularnaść chita nijak nie paŭpłyvała.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary