Adna ź lidaraŭ kampanii «Havary praŭdu» Taćciana Karatkievič 10 lutaha ŭ Minsku abmierkavała z palityčnym dyrektaram MZS Hiermanii Andreasam Michaelisam situacyju ŭ Biełarusi.
Płanavałasia, što na sustrečy budzie prysutničać kandydat u prezidenty na vybarach 2010 hoda były palitviazień Mikałaj Statkievič. Adnak, pavodle słoŭ palityka, jon vymušany byŭ admovicca ad sustrečy z-za drennaha samaadčuvańnia.
Jak paviedamiła Karatkievič, ź Michaelisam abmiarkoŭvalisia temy raźvićcia adnosin krain ES i Biełarusi. «Ja raskazała pra naša bačańnie mižnarodnaj palityki Biełarusi i ES. Zhodna z našaj kancepcyjaj, u najbližejšyja 10 hadoŭ treba raźvivać i ŭmacoŭvać rehijanalnaje supracoŭnictva, jakoje pryniasie našaj krainie inviestycyi, novyja technałohii i biaśpieku. Kancepcyja praduhledžvaje imknieńnie Biełarusi da niejtralitetu, zaklučeńnie bazavaha dahavora ź ES, ščylnaje supracoŭnictva z krainami Vyšahradskaj hrupy, a taksama ŭzmacnieńnie ekanamičnaha supracoŭnictva z Ukrainaj i Polščaj», — skazała jana.
Na sustrečy taksama abmiarkoŭvałasia pytańnie sankcyj u dačynieńni da biełaruskich čynoŭnikaŭ. «Naša pazicyja — sankcyi treba zdymać abumoŭlena. Reformy, na jakija pojdzie ŭłada, pavinny być niezvarotnyja, tyčycca intaresaŭ hramadzian, davać novyja mahčymaści dla raźvićcia krainy. U palityčnym płanie reformy pavinny dać bolš pravoŭ i svabod hramadzianam. I hetyja źmieny pavinny być stabilnymi», — adznačyła Karatkievič.
Pavodle jaje słoŭ, sustreča doŭžyłasia pryblizna hadzinu. Pradstaŭnik MZS Hiermanii, adznačyła Karatkievič, razhladaje sankcyi «jak miechanizm, a nie kančatkovuju metu». «Hiermanija zacikaŭlenaja raźvivać supracoŭnictva pamiž našymi krainami», — skazała jana.
Akramia taho, paviedamiła Karatkievič, była zakranutaja tema zachavańnia pravoŭ čałavieka ŭ Biełarusi. «Ułady Biełarusi i ES viaduć peŭny dyjałoh u hetym kirunku. My ličym, što pradstaŭniki hramadzianskaj supolnaści pavinny być ŭciahnutyja ŭ hety dyjałoh», — padkreśliła jana.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary