Lehiendarny futbalist maskoŭskaha «Spartaka» i alimpijski čempijon u składzie zbornaj SSSR Anatol Iljin pamior va ŭzroście 84 hadoŭ. Pra heta paviedamiŭ spartakaŭski vieteran Jaŭhien Łoŭčaŭ.
«Napiaredadni patelefanavała žonka Anatola Michajłaviča Alaksandru Mirzajanu (inšy vieteran «Spartaka»), a jon užo patelefanavaŭ mnie z hetaj trahičnaj infarmacyjaj, — skazaŭ Łoŭčaŭ. — Ciapier zajmajucca arhanizacyjnymi pytańniami, źviazanymi z morham i h.d. Pakul nieviadomaja data pachavańnia. Zaŭtra budzie schod, na jakim usio budzie vyznačana. Aryjencirovačna heta moža być Daniłaŭskich mohiłkach, bo jaho žonka kazała, što tam u ich užo pachavanyja svajaki, ale heta pakul nieaficyjnaja infarmacyja. Zrabili zapyt u FK «Spartak», kab jany dapamahli z hrašyma i arhanizacyjaj pachavańnia. Pasprabujem zrabić heta praz futbolny spartakaŭski maniež».
Iljin hulaŭ za «Spartak» bolšuju častku karjery prafiesijnaha futbalista (1949—1962 hady). U składzie čyrvona-biełych forvard piać razoŭ stanaviŭsia čempijonam SSSR (1952, 1953 h., 1956, 1958, 1962), pa dva razy vyjhravaŭ srebra (1954, 1955) i bronzu turniru (1957, 1961), taksama dva razy stanaviŭsia ŭładalnikam Kubka SSSR (1950, 1958). U składzie zbornaj SSSR Iljin vyjhravaŭ zołata Alimpijskich hulniaŭ—1956, zabiŭšy vyrašalny hoł u bramu zbornaj Juhasłavii. Jon taksama staŭ aŭtaram pieršaha hoła ŭ historyi kubkaŭ i čempijanataŭ Jeŭropy, zabiŭšy miač na 4-j chvilinie ŭ varoty zbornaj Vienhryi.
Iljin źjaŭlaŭsia kavaleram ordena «Znak Pašany», a taksama kavaleram Ordena Družby.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB18
Kamientary