Premjer-ministr RF Dźmitryj Miadźviedzieŭ voźmie ŭdzieł u pasiadžeńni Vyšejšaha dziaržsavieta Sajuznaj dziaržavy Biełarusi i Rasii, jakoje projdzie 25 lutaha ŭ Minsku, paviedamiła pres-słužba rasijskaha ŭrada.
Pasiadžeńnie VDS z udziełam Alaksandra Łukašenki i Uładzimira Pucina projdzie ŭ Pałacy Niezaležnaści. Jak paviedamlałasia raniej, u paradak dnia ŭklučana bolš za dziasiatak pytańniaŭ pa ŭsim śpiektry dziejnaści Sajuznaj dziaržavy, u tym liku zaćviardžeńnie sajuznaha biudžetu na 2016 hod i abmierkavańnie vynikaŭ realizacyi letašniaha biudžetu. Udzielniki pasiadžeńnia VDS taksama razhledziać vyniki handlova-ekanamičnaha supracoŭnictva z ulikam usich faktaraŭ, jakija ŭpłyvajuć na raźvićcio hetaj śfiery dziejnaści, i źniešniepalityčnaha ŭzajemadziejańnia za dva papiarednija hady. Płanujecca pryniać prahramu ŭzajemadziejańnia na nastupnyja dva hady.
Pravieści sajuzny samit u Minsku prapanavaŭ Alaksandr Łukašenka padčas sustrečy ź dziaržsakratarom Sajuznaj dziaržavy (SD) Ryhoram Rapotam 18 studzienia. Jon nahadaŭ pra svaju damoŭlenaść z prezidentam RF Uładzimiram Pucinym pravieści pasiadžeńnie VDS u pieršym kvartale 2016 hoda. Łukašenka taksama adznačyŭ, što treba budzie aktyŭna papracavać, kab ažyvić pracu ŭ Sajuznaj dziaržavie.
Papiaredniaje pasiadžeńnie VDS adbyłosia 3 sakavika 2015 hoda ŭ Maskvie.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia16
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary