Alaksandr Łukašenka 11 sakavika sustreŭsia ź Mitrapalitam Minskim i Zasłaŭskim Paŭłam, Patryjaršym Ekzarcham usioj Biełarusi. Na sustrečy razmova išła ab pytańniach, jakija tyčacca ŭzajemadziejańnia dziaržavy i Biełaruskaj pravasłaŭnaj carkvy. Mitrapalit Pavieł zakranuŭ temu budaŭnictva novaha kompleksu administracyjnych budynkaŭ dla BPC na terytoryi, prylehłaj da ciapierašniaha budynka Minskaj jeparchii.
Łukašenka ŭ cełym pahadziŭsia ź inicyjatyvaj budaŭnictva, kali ŭźnikła takaja nieabchodnaść. Pry hetym Alaksandr Łukašenka adznačyŭ, što pakolki pryniali rašeńnie ab budaŭnictvie takoha duchoŭnaha centra, to prajekt pavinien być vytrymany naležnym čynam i adpaviadać svajmu pryznačeńniu. Płanujecca, što dla realizacyi prajekta budzie stvorana Carkoŭnaja apiakunskaja rada.
Jak nahadvaje Tut.by, budaŭnictva novaha administracyjnaha budynka dla BPC na vulicy Vyzvaleńnia ŭ Starym horadzie Mitrapalit anansavaŭ ŭ śniežni 2015 hoda. Abjekt źjavicca pobač ź isnujučym budynkam Minskaha jeparchijalnaha ŭpraŭleńnia. U im raźmieścicca nie tolki zała na 400 kvadrataŭ dla schodaŭ, ale damavy chram, a taksama haścinica dla duchavienstva.
Z ulikam taho, što ŭźviadzieńnie zojmie peŭny čas, prapanavana na hety pieryjad dla praviadzieńnia bujnych mierapryjemstvaŭ BPC vykarystoŭvać adzin z kompleksaŭ u biełaruskaj stalicy. «U Minsku dla hetaha chapaje miescaŭ», — skazaŭ Alaksandr Łukašenka.
Jašče adzin prajekt na toj ža vulicy Vyzvaleńnia BPC realizuje sumiesna z «Trajpłam». Havorka idzie pra rekanstrukcyju avaryjnych budynkaŭ pa vulicy Vyzvaleńnia, 6, 6a, 8, jakija znachodziacca va ŭłasnaści carkvy. Zaviaršyć pracy płanujuć da kanca 2017 hoda.
U rekanstrujavanych budynkach raźmieściać administracyjnyja pamiaškańni, kramy i punkty hramadskaha charčavańnia. Terytoryja zabudovy budzie akulturany, źjavicca i padziemny parkinh.
Padčas razmovy było zakranuta pytańnie płanavanaj sustrečy prezidenta Biełarusi z členami Sinoda BPC.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary