Dva miesiacy da źniavolenaha pravaabaroncy Andreja Bandarenki nie dachodzili listy
Na praciahu dvuch miesiacaŭ da źniavolenaha pravaabaroncy Andreja Bandarenki, jakoha trymajuć u mahiloŭskaj turmie, nie dachodzili listy ad rodnych i kaleh. Pra heta paviedamiŭ pravaabaronca Michaił Pastuchoŭ.
«19 lutaha na spatkańnie da Andreja jeździŭ jaho baćka, — raskazaŭ Pastuchoŭ. — Tam vyśvietliłasia, što listy nie dachodziać ni Andreju, ni ad jaho — jaho rodnym. Jak miarkuje sam Bandarenka, pryčyna ŭ tym, što jon pisaŭ pra ŭmovy ŭtrymańnia, a taksama pra dziejnaść byłych kaleh, u pryvatnaści Aleny Krasoŭskaj-Kaśpiarovič».
24 lutaha Michaił Pastuchoŭ nakiravaŭ načalniku turmy i prakuroru Mahiloŭskaj vobłaści zvarot z prośbaj pravieści pravierku, na jakoj padstavie źniavolenaha Bandarenku abmiažoŭvajuć u pravie na pierapisku. «Darečy, vyrazki z haziet, jakija ja jamu adpraŭlaŭ, mnie viarnuli nazad, — dadaŭ pravaabaronca. — Heta byli artykuły z «Narodnaj voli» i «Novaha času» pra samoha Bandarenku i jaho kalehu, Michaiła Žamčužnaha, jaki ŭ minułym hodzie taksama byŭ asudžany».
Pavodle słoŭ Pastuchova, zaraz pierapiska z Bandarenkam adnaviłasia. «Adnak ja pa-raniejšamu čakaju, što mnie adkažuć z administracyi turmy i prakuratury. Niedapuščalna, kab u nastupnym takija parušeńni paŭtaralisia», — ličyć jon.
Pastuchoŭ taksama paviedamiŭ, što Andrej Bandarenka pa-raniejšamu ŭtrymlivajecca ŭ adzinočnaj kamiery mahiloŭskaj turmy.
Nahadajem, Andrej Bandarenka byŭ stvaralnikam i kiraŭnikom infarmacyjna-aśvietnaj ustanovy «Płatforma» i kulturna-aśvietnaj ustanovy «Płatform inavejšn», jakija zajmalisia abaronaj pravoŭ asudžanych. 12 žniŭnia 2014 hoda sud pryznaŭ jaho vinavatym u chulihanstvie i pryhavaryŭ da čatyroch hadoŭ pazbaŭleńnia voli ŭ kałonii ŭzmocnienaha režymu. Paźniej u suviazi z amnistyjaj termin byŭ skaročany da troch hadoŭ. 17 śniežnia 2015 hoda pa rašeńni suda Bandarenku pieraviali sa škłoŭskaj kałonii ŭ turmu Mahilova ŭ suviazi z «šmatlikimi parušeńniami» režymu.
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili3
Kamientary