Ułada55

BSDP (Hramada) płanuje vyłučyć u parłamient jak maha bolš partyjnych kandydataŭ u deputaty

Biełaruskaja sacyjał-demakratyčnaja partyja (Hramada) płanuje vyłučyć na parłamienckich vybarach, jakija adbuducca nie paźniej za 11 vieraśnia, jak maha bolš partyjnych kandydataŭ u deputaty.

Pra heta zajaviła staršynia partyi Iryna Vieštard, vystupajučy ŭ Minsku na XVI čarhovym źjeździe arhanizacyi, jaki prachodzić 13 sakavika ŭ Minsku.

«Na siońnia ŭ śpisie patencyjnych kandydataŭ u deputaty — 26 čałaviek. Jak minimum pažadana hetuju kolkaść pretendentaŭ pavialičyć u dva razy», — skazała jana.

Pry hetym Vieštard ličyć važnym, kab kandydaty ŭ deputaty, vyłučanyja BSDP (Hramada), nie pradstaŭlali inšyja arhanizacyi. «Nie treba davać mahčymaści parazitavać na našych strukturach», — padkreśliła jana.

Vieštard zaznačyła, što partyja pavinna brać udzieł u vybarach jak u palityčnaj kampanii, jakaja dazvalaje prapahandavać siarod nasielnictva idei sacyjał-demakrataŭ, pracavać na stanoŭčy imidž partyi. U toj ža čas jana ličyć, što demakratyčnym kandydatam na majučych adbycca vybarach nieabchodna budzie abmierkavać metazhodnaść źniaćcia svaich kandydatur pierad hałasavańniem.

Taksama Vieštard zajaviła, što ŭžo adrazu paśla źjezdu BSDP (Hramada) pavinna pačać padrychtoŭku da prezidenckich vybaraŭ 2020 hoda. Jana ličyć, što partyja pavinna vystavić na ich svajho kandydata ŭ prezidenty. Pry hetym, padkreśliła jana, heta nie admaŭlaje mahčymaści pieramoŭ ź inšymi demakratyčnymi strukturami nakont vyłučeńnia adzinaha kandydata.

XVI spravazdačna-vybarny źjezd Biełaruskaj sacyjał-demakratyčnaj partyi (Hramada) prachodzić 13 sakavika ŭ Minsku. U im biaruć udzieł bolš jak 80 delehataŭ z roznych rehijonaŭ Biełarusi.

Na źjeździe buduć abranyja staršynia partyi, jaho namieśniki, členy centralnaha kamiteta, płanujecca abmierkavać źmieny i dapaŭnieńni ŭ statut i vybarčy rehłamient.

Kamientary5

Ciapier čytajuć

Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach6

Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach

Usie naviny →
Usie naviny

U Minsku chutka pačnucca pracy pa rekanstrukcyi Kalvaryjskaha kaścioła1

Znojdzieny sotni rachunkaŭ u šviejcarskim banku, napeŭna źviazanych z nacystami6

U Lidzie pradali ŭčastak čyhunki ŭ pramzonie. Kolki kaštavała?

Zakachaŭsia i pajechaŭ va Ukrainu. 19‑hadovy biełaruski palitviazień dapamahaje kijaŭlanam pieražyć zimu pad rasijskimi abstrełami3

Baranavickaja škoła nabyła bijaničnaha robata dla navučańnia1

Aryštavali byłoha pamočnika Michaiła Miaśnikoviča10

Statak zubroŭ pryjšoŭ u viosku na Paleśsi3

U Hiermanii zatrymali deputata ad AdH, na palach jakoha pad Lidaj pracavali viaźni11

Dziasiatki kažanoŭ vykinuli na śnieh kala himnazii ŭ Salihorsku. Što było dalej8

bolš čytanych navin
bolš łajkanych navin

Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach6

Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach

Hałoŭnaje
Usie naviny →

Zaŭvaha:

 

 

 

 

Zakryć Paviedamić