Sorak žycharoŭ Baranavič źviarnułasia da miascovaha telekanału «Inteks» z prośbaju vyklučyć z prahramy klipy hurtu «Butyrka», A. Novikava, B. Maisiejeva, Vierki Siardziučki dy navat «VIA HRA».
Sorak žycharoŭ Baranavič źviarnułasia da miascovaha telekanału «Inteks» (a taksama ŭ harvykankam) z prośbaju vyklučyć z prahramy klipy hurtu «Butyrka», A.Novikava, B.Maisiejeva, Vierki Siardziučki dy navat «VIA HRA».
Na dumku padpisantaŭ, zhadanyja pieśni prapahandujuć antyzakonny ład žyćcia, raspustu, alkahol i hvałt. Ideja takoha zvarotu naležyć staršyni Rady hramadzkaj arhanizacyi «Tvorčaje zhurtavańnie «Śviatlica» Alesiu Bokaču. Jon upeŭnieny, što pad listom padpisalisia b i tysiačy ludziej, bo na miascovych telekanałach u krainie skłałasia žachlivaja sytuacyja. U klipach, naprykład, taja samaja «Butyrka» (vielmi papularnaja siarod žycharoŭ pieśniaj «Tajet śnieh») źjaŭlajecca na scenie apranutaja ŭ zekaŭskija roby.
Paśla razhladu lista kiraŭnictva telekanału «Inteks» vyrašyła admovicca ad tranślacyi peŭnych klipaŭ — «Butyrki», VIA HRY, Novikava, Maisiejeva, Aramirava. U baranavicki efir, adnak, buduć praciahvać vychodzić Vierka Siardziučka sa svajoju «Haryłkaju» i Michaił Kruh — «z pavahi da jahonaj pamiaci». U svaim adkazie dyrektar telekampanii Anatol Karol paviedamiŭ, što zdymaje kolki klipaŭ najbolš adyjoznaha źmiestu. Adnak paśla dapisaŭ, što zvarot hrupy žycharoŭ Baranavič možna paraŭnać z savieckimi časami, kali partyja vyrašała, što kamu słuchać, čytać i hladzieć. I sychodziačy z hetaha treba zabaranić narodnyja pieśni «Šumieŭ kamyš», a taksama viarnuć cenzuru ŭ tvory Jasienina i Puškina. Pry kancy aficyjnaha adkazu A. Karol (jaki raniej pracavaŭ u łukašenkaŭskaj hazecie «Naš Kraj»), robić vysnovu, što heta ŭsio zroblena kab iznoŭ pryciahnuć uvahu «da niekatorych asob z apazycyi».
Nu, što da ŭvahi, to pieradusim dziakavać Bohu, što niechta narešcie pryciahnuŭ jaje da faktu paŭsiudnaha nasadžeńnia muzyki nie najlepšaj jakaści. Ludzi zamaŭlajuć toje, što im reklamujuć FM-stancyi i rasiejskija telekanały: kryminalny šanson, rasiejski pseŭdafalklor Kadyšavaj i papsu. Viadoma, što krucicca dzień i noč, toje i zapaminajecca, toje i zdajecca pryhožym i sučasnym, za toje i płaciać niemałyja hrošy.
Kulturu treba vychoŭvać. Inakš, jakija ty adsotki biełaruskaj pieśni ni ŭdavaj, jana mianiacca nia budzie. Dasiul nie čuvać na miascovych kanałach pieśni sučasnaj biełaruskaj papsy, nie śpiavajuć na biasiedach. Zirnicie ŭ niadzielu rankam dziciačyja kanały na dziaržaŭnym telebačańni: ad małoha na konkursy staviać śpiavać prymityŭnyja zonhi Biłanaŭ i Savičavych…
Niekali kaleha na pracy, darečy, adstaŭny rasiejski aficer, dziasiaty raz čujučy pa radyjo vinšavańnie pieśniaj Dolinaj (pra vyrašeńnie siamiejnych pytańniaŭ parasonam), zadumliva moviŭ: «Jak ža my ŭsie dehradavali…»
Ciapier čytajuć
Minsk u sieradu viečaram pahruziŭsia ŭ ciemru. Paśla zahadu Łukašenki51
Minsk u sieradu viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary