Alaksandr Łukašenka, razmaŭlajučy siońnia z pracoŭnym kalektyvam SAAT «Kamunarka», raspavioŭ, što źjaŭlajecca prychilnikam paetapnaha pavyšeńnia piensijnaha ŭzrostu na 3 hady.
«Ja schilajusia da taho, što my pavinny iści pastupova i akuratna, — adznačyŭ kiraŭnik dziaržavy. — Ja prychilnik taho, kab piensijny ŭzrost pavysić na 3 hady, kožny hod pa pałovie. I tak my spakojna, za šeść-siem hadoŭ zmožam prajści hetyja try hady».
Łukašenka nahadaŭ, što vychad na piensiju z 55 i 60 hadoŭ zastaŭsia tolki ŭ Biełarusi i Rasii. «Nie treba dumać, što kali pieradpiensijny ŭzrost — vykinuć na vulicu. Kali nie pracuješ, ciabie i nie ŭ pieradpiensijnym uzroście zvolniać. Ciapier treba vykładvacca, — adznačyŭ Łukašenka. — Ale kali piensijanier moža pracavać, dobry śpiecyjalist i jašče moža padrychtavać sabie zamienu, to jamu naohuł treba dapłočvać, jak nastaŭniku, bo padrychtavać śpiecyjalista — heta vialikija hrošy».
Kiraŭnik dziaržavy rastłumačyŭ, čamu ŭ krainie vymušany pajści na taki krok.
«Zarobak u ludziej nievysoki i nie raście pa krainie. A piensijny fond farmujecca z zarobku. Kali nie raście zarpłata, a ceny ŭsio-tki ruchajucca, takim čynam, chaj na paŭpracenta, na pracent žyćciovy ŭzrovień padaje, — skazaŭ kiraŭnik krainy. — Staić pytańnie: što rabić? Pamianšać piensii? Na heta my pajści nie možam. Nielha kryŭdzić ludziej».
«Dla mianie jak dla baćki važna toje, kab my na svaich dziaciej hetyja prablemy nie pierakładali», — dadaŭ Alaksandr Łukašenka.
Jon padkreśliŭ, što nie bačyć vialikich prablem i ŭ płanie pracoŭnych miescaŭ. «Stvorym my pracoŭnyja miescy i stvarajem. Treba napružyć tych kiraŭnikoŭ, jakija pavinny stvaryć pracoŭnyja miescy, i samim stvarać małyja, siarednija, bujnyja pradpryjemstvy, kab byli novyja miescy. My i hety šlach zadziejničajem», - padkreśliŭ jon.
Alaksandr Łukašenka zakranuŭ taksama budavańni samoj piensijnaj sistemy ŭ Biełarusi. Kiraŭnik krainy raskazaŭ, što ŭ svoj čas jamu prapanoŭvali źmianić najaŭnuju ŭ krainie piensijnuju sistemu na nazapašvalnuju. Adnak jon nie padtrymaŭ hetaj inicyjatyvy, pry hetym dazvoliŭšy jaje na dobraachvotnaj asnovie.
«Moža być, kali-to naša hramadstva saśpieje, kab razburyć hetuju sistemu i pakinuć tolki nazapašvalnuju», — adznačyŭ kiraŭnik dziaržavy.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj48
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary