Kala pasolstva RF u Minsku prachodzić akcyja salidarnaści z Nadziejaj Saŭčanka VIDEA
Biełarusy čakajuć vyraku Nadziei Saŭčanka pad rasijskim pasolstvam u Minsku. Prakuratura patrabuje dla ŭkrainskaj lotčycy 23 hady źniavoleńnia. Prysud stali začytvać siońnia ŭ rasijskim Daniecku.
15:58
Zbolšaha ludzi abo admoŭna reahujuć na pikiet u padtrymku Saŭčanka, abo abmaŭlajucca ad kamientaroŭ, abo kažuć, što nie ŭ kursie prablemy.
Prajechała niejkaja mašyna i pasihnaliła.
15:38
«Svabodu» — hukajuć u miehafon udzielniki akcyi. «Svabodu Nadziei Saŭčanka. Siancovu svabodu (ukrainskamu režysioru, asudžanamu na 20 hadoŭ u Rasii), Kolčanku svabodu jahonamu tavaryšu).
15:35
Pavieł Sieviaryniec kaža, što jon tut, bo Saŭčanka zmahajecca za našu i vašu svabodu.
Da jaho padychodziać supracoŭniki milicyi, kab skłaści pratakoł. Pavieł admaŭlajecca nazyvać svajo imia i davać pašpartnyja źviestki. «Mianie i tak usie viedajuć u milicyi, navošta niejkija źviestki?».
15:27
Da ŭdzielnikaŭ pikietu padyšli niekalki čałaviek, u tym liku Pavieł Sieviaryniec. Jany prynieśli haračuju kavu i harbatu.
15:25
Staraja žančyna, što prachodzić mima, kaža, što jana spačuvaje Saŭčanka, što jon balić serca za jaje. Volha Mikałajčyk dziakuje joj za słovy padtrymki. «Vielmi pryjemna», — kaža jana.
15:22
Prachožyja chucieńka prachodziać mima pratestoŭcaŭ. Adna z žančynaŭ kidaje dła ich: «Čamu vy nie vychodzili na pikiet, kali zabili rasijskich žurnalistaŭ?».
15:18
Składajuć pratakoł na Natallu Haračku. Jana, abharnuŭšysia va ŭkrainski ściah, vychodzić pad pasolstva i niekalki razoŭ hukaje: «Akupanty, preč ź Biełarusi, svabodu Nadziei Saŭčanka».
15:16
«Vy viedajecie, što tut adbyvajecca? Chto takaja Nadzieja Saŭčanka?» — pytajecca žurnalist u stałaha čałavieka z maleńkim chłopčykam.
«Nie, nie viedaju, — adkazvaje toj. — Ja naohuł niemiascovy».
14.50
U dačynieńni da ŭdzielnikaŭ akcyi ŭ padtrymku Nadziei Saŭčanka składajuć pratakoł. Spačatku kapitan milicyi papiaredziŭ prysutnych ab tym, što mierapryjemstva nie sankcyjanavanaje ŭładami, paśla čaho pačaŭ składańnie pratakołaŭ ab administracyjnym pravaparušeńni.
Kala pasolstva znachodzicca kala dziasiatka čałaviek. Siarod prysutnych hramadskija aktyvisty Volha Nikałajčyk, Aleś Makajeŭ, Maksim Viniarski, Natalla Haračka, Leanid Kułakoŭ, a taksama členy Abjadnanaj hramadzianskaj partyi Dzianis Krasačka i Volha Majorava.
Viniarski pryjšoŭ z płakatam «Svabodu zakładnikam pucinskaha režymu». Akramia proźvišča Saŭčanka na im pieraličanyja proźviščy inšych ukraincaŭ, jakija znachodziacca ŭ rasijskich turmach.
Udzielniki pikiety majuć namier stajać kala pasolstva da 18.30 i pryjści siudy zaŭtra.
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary