U polskim internecie pišuć, što na znak padtrymańnia «Ubiera» ciapier nie siaduć u zvyčajnuju taksoŭku.
Na staroncy «Taryf 24» u «Fejsbuku», pryśviečanaha polskim taksoŭkam,źjavilisia zdymki ź piatničnaj akcyi, jakuju praviali kala niekalkich načnych kłubaŭ Varšavy suprać kiroŭcaŭ «Ubiera».
Padčas taho, jak z aŭtamabilaŭ viadomaha amierykanskaha siervisu vysadžvalisia pasažyry, «nieviadomyja» palivali hetyja mašyny «śmiardziučaj vadkaściu čornaha koleru – imavierna, na bazie alivy i łajna».
Pavodle «Taryfa 24», smurod byŭ nie da vytrymańnia. Nichto z pasažyraŭ nie paciarpieŭ.
Aŭtar paviedamleńnia, vidavočna zadavoleny vynikami akcyi, piša, što prachodziŭ pobač vypadkova, dy dadaje, što «nieviadomyja» abiacajuć paŭtareńnie takoha ž čynu zaŭtra: «Voś što sustrakaje tych, chto ŭdaje taksoŭku».
Aproč łajkaŭ (kala 800) post pačaŭ imkliva nabirać «złyja» smajliki (kala 120) i kamientary aburanych karystalnikaŭ «Fejsbuku», jakija paabiacali bajkatavać «cybulu» (adpaviednik biełaruskaha abraźlivaha «kałhaśnik») u budučyni.
Na momant publikacyi pad pastom było 3 250 kamientaroŭ – mnostva ludziej adznačała, što lepšaj rekłamy «Ubieru» ciažka było prydumać.
«Ubier» dziejničaje ŭ našych zachodnich susiedziaŭ z 19 žniŭnia 2014 hoda – na polskim rynku jon vykonvaje rolu pasiarednika pamiž pasažyrami i pastaŭščykami transpartnych pasłuhaŭ.
Internet-aplikacyju adrazu sustreła mocnaja krytyka z boku Nacyjanalnaj haspadarčaj pałaty taskoŭščykaŭ, ale siońniašniaja akcyja – pieršaja padobnaha płanu.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj5
Kamientary