Da 1-ha krasavika praciahniecca ŭ Harodni nabor na nastupny navučalny hod ŭ biełaruskamoŭnyja hrupy dziciačych sadkoŭ №45 i №54, što ŭ Leninskim rajonie. Jak paviedamili ŭ adździele daškolnaha vychavańnia adździeła adukacyi Harodni, pakul niama dziaciej na nastupny nabor.
Kaža staršynia abłasnoj rady Tavarystva Biełaruskaj movy Aleś Kroj:
— Nam paviedamili, što na žal na siońniašni dzień anivodnaj zajavy da baćkoŭ pakul nie pastupiła, ale kali apublikavali na «Tvaim styli» infarmacyju pra mahčymaść addać svajo dzicia ŭ biełaruskamoŭnuju hrupu, dyk adna z kamientataršaŭ skazała, što jana padavała zajavu. Pakul my viedajem pra adnu. Ja paprasiŭ źviazacca z nami, kab jana nam dała paralelnuju infarmacyju, kab my viedali, kali jana padavała zajavu.
Pa pytańniach biełaruskaha vychavańnia daškolnikaŭ možna źviartacca ŭ adździeł adukacyi Leninskaha rajona. Haradzienskaja supołka Tavarystva Biełaruskaj Movy prosić baćkoŭ dasyłać infarmacyju pra svaje zajaŭki na elektronny adras TBM. U Kastryčnickim rajonie biełaruskich dziciačych hrupaŭ sioleta ŭ Harodni nie było.
Da baćkoŭ miascovaje Tavarystva biełaruskaj movy napisała admysłovy zvarot:
«Kali vy sapraŭdy chočacie, kab vašyja dzietki praz 10-15 hadoŭ (sadok-škoła) viedali naroŭni z rasiejskaj i svaju, biełaruskuju movu – vy majecie realnuju mahčymaść heta zrabić, napisaŭšy zajavu ŭ biełaruskuju hrupu d/s№45, ci №54. Rabicie tak, jak patrabuje vaša duša i serca. My ŭsie roznyja, tamu i ŭnikalnyja! Samaje hałoŭnaje – pačynać treba ź siabie, a nie čakać pakul susied hety krok zrobić pieršym.»
Telefony Haradzienskaj abłasnoj arhanizacyi TBM: Velcom 943-58-09 (Kroj Alaksandr Iljič) MTS 285-93-07 ( Budnik Ivan Fiodaravič) Email: [email protected]
Kamientary