Z Čarnahoryi departavali 58 čałaviek. Pa niekatorych krynicach, jany padazrajucca ŭ suviaziach ź japonskaj tatalitarnaj siektaj «Aum Sinrykio».
Jak paviedamiła palicyja Čarnahoryi, 43 čałavieki z hrupy — rasiejcy. Taksama ŭ joj hramadzianie Ukrainy, Biełarusi, Uźbiekistana i Japonii.
25 sakavika palicyja praviała pieratrusy ŭ Daniłaŭhradzie i Padhorycy ŭ miežach rejdu pa baraćbie z arhanizavanaj złačynnaściu.
Nahodaj pasłužyła infarmacyja pra dziejnaść «zamiežnaj relihijnaj hrupy zakrytaha typu». U zatrymanych kanfiskavali elektronnyja pryłady dla praviadzieńnia ekśpiertyzy.
Čarnahorskaja presa pisała, što zatrymanyja padazrajucca ŭ dačynieńni da dziejnaści siekty «Aum Sinrykio». Pra heta ž, spasyłajučysia na svaje krynicy ŭ palicyi Čarnahoryi, paviedamlaje Frans pres.
U šerahu krain «Aum Sinrykio» pryznanaja terarystyčnaj arhanizacyjaj. Jana atrymała sumnuju viadomaść u 1995 hodzie, kali jaje členy ažyćciavili hazavuju ataku ŭ takijskim mietro.
Kamientary