Pieršyja 2000 elektramabilaŭ madeli Streetscooter niamiecki paštovy kancern ŭviadzie ŭ ekspłuatacyju ŭ 2016 hodzie. Pastupova imi zamieniać uvieś aŭtapark Deutsche Post.

Niamiecki paštovy kancern Deutsche Post płanuje pačać sieryjnuju vytvorčaść aŭtamabilaŭ z pryvadam ad elektraruchavika. Pra heta ŭ subotu, 2 krasavika, paviedamiła niamieckaje vydańnie Focus Online sa spasyłkaj na pradstaŭnika kancerna Jurhiena Hierdiesa (Jürgen Gerdes).
Pavodle jaho słoŭ, pieršyja 2000 elektramabilaŭ madeli Streetscooter buduć uviedzieny ŭ ekspłuatacyju ŭ 2016 hodzie i vykarystoŭvacca dla dastaŭki listoŭ i pasyłak na ŭsioj terytoryi Hiermanii. Pastupova 30 000 elektramabilaŭ pavinny buduć całkam zamianić aŭtapark Deutsche Post, padkreśliŭ Hierdies.
Finansavańnie prajekta ŭ abjomie kala 9 młn jeŭra pradastaviła Ministerstva achovy navakolnaha asiarodździa FRH. Vytvorčaściu elektramabilaŭ zajmajecca Streetscooter Gmbh — daččynaje pradpryjemstva Deutsche Post, jakoje kancern nabyŭ u 2014 hodzie. Maksimalnaja chutkaść elektrakara składzie 85 km/h, a adlehłaść, jakuju jon zmoža prajechać biez padzaradki, — 80 km.
Deutsche Post spadziajecca, što madel Streetscooter zmoža stać alternatyvaj elektramabila amierykanskaj kampanii Tesla.
«Jany vyrablajuć vysakajakasnyja transpartnyja srodki dla indyvidualnaha karystańnia, a my možam vyrablać transpartnyja srodki dla karparatyŭnych klijentaŭ pa vielmi nizkich cenach», — zajaviŭ Jurhien Hierdies. U siarednieterminovaj pierśpiektyvie kancern taksama płanuje pačać pastaŭku svajoj pradukcyi inšym kampanijam.
Kamientary