Hayastannews.com: «Padraździaleńnie azierbajdžanskaj armii, u składzie jakoha piać tankaŭ, trapiła ŭ akružeńnie na paŭnočna-ŭschodnim napramku linii frontu, paviedamlaje «Interfaks» sa spasyłkaj na krynicy ŭ siłavych strukturach niepryznanaj Nahorna-Karabachskaj Respubliki (NKR).
«Dziakujučy ŭmiełym dziejańniam armii abarony NKR, na paŭnočna-ŭschodnim napramku ŭ Mardakierckim rajonie utvaryŭsia «kacioł», u jakim apynulisia piać tankaŭ azierbajdžanskich ŭzbrojenych sił. Prymajucca miery pa ich zachopu albo źniščeńniu», — skazaŭ adzin z surazmoŭcaŭ ahienctva.
Pavodle jaho, napružanaść zachoŭvajecca na paŭnočna-ŭschodnim i paŭdniova-ŭschodnim napramkach linii supraćstajańnia. «Padraździaleńni karabachskaj armii ažyćciaŭlajuć miery pa viartańni šerahu pazicyj, zachoplenych azierbajdžanskimi vojskami ŭ rajonie Džabraiła», — adznačyła krynica.
Akramia bajoŭ, jakija iduć na pieradavoj, artyleryja Azierbajdžana naniesła ŭdary pa mirnych nasielenych punktach. Pavodle apieratyŭnych źviestak NKR, pryblizna a 08:30 u napramku abarončych pazicyj Martuni paśla abstrełu z ustanoŭki «Hrad» byŭ zabity Vahinak Tatułavič Hryharan, dvoje dziaciej paranienyja. U paviedamleńni MA NKR havorycca: «Pa stanie na dadzieny momant na ŭsioj linii sudakranańnia pamiž Azierbajdžanam i NKR iduć haračyja sutyknieńni. Avanhard NKR pryniaŭ na siabie ŭdar i viadzie nadziejnyja abarončyja bai».
Pa apieratyŭnych źviestkach NKR, źbityja 2 viertaloty, jakija atakavali armianskija pazicyi, padbity tank i bieśpiłotnik.
Paśla adnaŭleńnia kanfliktu, kali ŭ noč z 1 pa 2 krasavika US Azierbajdžana raspačali pravakacyjnyja dziejańni pa ŭsioj linii sudakranańnia z Nahornym Karabacham, na dadzieny momant u armianskaha boku 18 achviar i kala 35 paranienych. U chodzie bajavych dziejańniaŭ u noč z 1 na 2 krasavika i na praciahu ŭsiaho dnia azierbajdžanskaja armija straciła bolš za 200 vajennasłužačych, paviedamlajuć u siłavych strukturach niepryznanaj Nahorna-Karabachskaj Respubliki».
Apytanka
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary