Šunievič: Va Ukrainie bolšaja častka biełarusaŭ vajuje na baku «ŁNR» i «DNR»
Bolšaja častka biełarusaŭ, jakija ŭdzielničajuć u bajavych dziejańniach va Ukrainie i ŭ dačynieńni da jakich viadziecca śledstva, vajujuć na baku «ŁNR» i «DNR». Pra heta paviedamiŭ 5 krasavika žurnalistam u Minsku ministr unutranych spraŭ Ihar Šunievič.
«Na siońnia pa našych 28 materyjałach, jakija my nakiroŭvali ŭ Śledčy kamitet raniej, prachodzić kala 130 asobaŭ. U asnoŭnym heta ludzi z rehijonaŭ. Bolšaja častka z hetaha śpisa vajuje na baku «ŁNR» — «DNR», praporcyja adzin da troch», — skazaŭ jon.
Pry hetym, jak zajaviŭ Šunievič, z punktu hledžańnia kryminalna-pracesualnaha zakanadaŭstva buduć adpracavany ŭsie asoby, jakija «biaruć udzieł u bajavych dziejańniach na terytoryi Ukrainy i jakija viadomyja, niezaležna ad taho, na čyim baku jany vajujuć».
Ministr paviedamiŭ, što orhany ŭnutranych spraŭ zaraz vykonvajuć daručeńnie śledčaha, jakoje praduhledžvaje praviadzieńnie vobyskaŭ, ahladaŭ i inšych śledča-pracesualnych dziejańniaŭ pa miescach pražyvańnia. «My nie padzialajem katehoryi, pa čarzie pravodzim śledčyja dziejańni», — padkreśliŭ jon.
Kamientary