Prezident Rasii Uładzimir Pucin nazvaŭ publikacyi ab afšornych kampanijach, zarehistravanych u tym liku i na jaho atačeńnie, sprobaj razhajdać situacyju znutry.
Pa słovach Pucina, aŭtary publikacyj stavili pierad saboj zadaču zrabić Rasiju bolš padatlivaj.
Na jaho dumku, «adzinstva i zhurtavanaść rasijskaj nacyi, šmatnacyjanalnaha rasijskaha naroda» turbujuć apanientaŭ Rasii, u suviazi z čym jany i robiać sproby destabilizavać situacyju.
Jon taksama ŭ čarhovy raz adznačyŭ, što ŭ samich dakumientach panamskaj jurydyčnaj kampanii Mossack Fonseca, na jakich zasnavanyja publikacyi, jaho imia naŭprost nie zhadvajecca.
Pry hetym Pucin dadaŭ, što hanarycca takimi ludźmi, jak jaho siabar, vijałančelist Siarhiej Rałduhin. Imia Rałduhina ŭ apublikavanych dakumientach źviazvajecca z afšornymi strukturami, praź jakija mierkavana prajšli kala 2 młrd dalaraŭ.
«Amal usie hrošy, jakija jon zarabiŭ, jon patraciŭ na nabyćcio muzyčnych instrumientaŭ za miažoj i pryvioz ich u Rasiju», — cytuje słovy Pucina ahienctva TASS.
Prezident dadaŭ, što Rałduhin sprabuje zajmacca biznesam, ale miljardaŭ dalaraŭ u jaho niama. Sam Rałduhin raniej kazaŭ, što nie ličyć siabie pradprymalnikam.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j10
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary