Unosić płatu za pryjom i afarmleńnie dakumientaŭ dla ŭdziełu ŭ centralizavanym teściravańni ŭ Biełarusi možna budzie z dapamohaj adzinaj raźlikovaj i infarmacyjnaj prastory (ARIP). Heta praduhledžana pastanovaj Savieta Ministraŭ ad 6 krasavika 2016 hoda numar 280.
U pres-słužbie biełaruskaha ŭrada rastłumačyli, što novaŭviadzieńnie daść mahčymaść spraścić praceduru pradastaŭleńnia dakumientaŭ va ŭstanovy adukacyi dla ŭdziełu ŭ CT.
Tak, abituryjentam nie treba budzie pradastaŭlać dakumient, jaki paćviardžaje fakt apłaty, pakolki ŭsia infarmacyja ab płaciažach budzie akumulavacca ŭ sistemie ARIP. Dostup da jaje atrymajuć ustanovy adukacyi i Respublikanski instytut kantrolu viedaŭ.
Vykarystańnie ARIP daść mahčymaść apłačvać udzieł u centralizavanym teściravańni praź internet i infakijoski.
Kamientary