Chakieisty nacyjanalnaj zbornaj Biełarusi razhramili kamandu Francyi ŭ druhim matčy Jeŭravykliku — 8:1 (1:1, 2:0, 5:0).
U našaj družyny chiet-tryk aformiŭ Andrej Ściapanaŭ, pa razu adznačylisia Dźmitryj Znacharanka, Artur Haŭrus, Šarl Linhle, Dźmitryj Ambražejčyk i Siarhiej Drozd. U francuzaŭ — Nikala Rytc.
«Prosta pracujem, idziem da vyniku, bo ŭčorašni lik i hulnia nas nie zadavolili. Tamu vyjšli matyvavanymi. Šryra dziakujem zaŭziataram z Hrodna i tym, chto pryjechaŭ nas padtrymać ź inšych haradoŭ. Pryjemna, kali hulaješ doma i ciabie padtrymlivajuć. Viadoma, siońnia hulnia była bolš žyvaja, šmat hałoŭ, i chakieisty, i zaŭziatary złavili kuraž», — raspavioŭ Andrej Ściapanaŭ u intervju belarushockey.com.
U pieršaj sustrečy biełaruskija chakieisty pieramahli francuzaŭ tolki ŭ sieryi paślamatčavych bulitaŭ — 2:1. U abodvuch hrodzienskich pajadynkach u składzie zbornaj Biełarusi nie było asnoŭnych hulcoŭ, u pryvatnaści, Alaksieja Kalužnaha i Siarhieja Kaścicyna.
«Vychodzić, moładź nastolki bolš bajazdolnaja?»— spytali Dejva Ljuisa. «Ni ŭ jakim razie. Heta prosta asobna ŭziataja hulnia. U mianie navat niama vyčarpalnaha adkazu na pytańnie, čamu my zakinuli nastolki bolš», — cytuje «Presboł» hałoŭnaha treniera zbornaj Biełarusi.
Nastupnyja pajadynki kamanda Dejva Ljuisa praviadzie 15 i 16 krasavika ŭ haściach u zbornaj Łatvii, 22 i 23 krasavika prymie ŭ Maładziečnie i Minsku chakieistaŭ Šviejcaryi, 29 i 30 krasavika sustreniecca na vyjeździe z Hiermanijaj.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»23
Kamientary