Supracoŭniki milicyi šukajuć paciarpiełych ad dziejańniaŭ dyrektara TAA «Supremasi» (Minsk), jakaja pad markaj pastaŭki mašyn z Rasii zavałodała hrašyma kala sotni biełaruskich hramadzian. Pra heta paviedamiła pres-aficer Leninskaha RUUS stalicy Taćciana Kavalova.
Z 2014 hoda dyrektar TAA «Supremasi» ŭ internecie raźmiaščała abjavy pra pastaŭku aŭtamabilaŭ z Rasii ŭ Biełaruś. Pry hetym pamiž firmaj i klijentami zaklučalisia damovy, pavodle jakich mašyny pavinny byli być pastaŭlenyja na praciahu 15-30 rabočych dzion. Srodki pieradavalisia dyrektaru TAA najaŭnymi abo zaličvalisia na rachunak, adnak u pryznačany čas aŭto na roznych padstavach pastaŭlenyja nie byli, a hrošy hramadzianam nie viartalisia albo viartalisia častkova.
Z 2015 hoda TAA «Supremasi» pačało supracoŭničać z rasijskaj kampanijaj «Salide», raźmieščanaj u horadzie Vialikija Łuki Pskoŭskaj vobłaści. Zasnavalnikam dadzienaj firmy źjaŭlaŭsia hramadzianin Respubliki Biełaruś, žychar Minska. U hetym vypadku pamiž TAA «Supremasi» i zamoŭcami taksama zaklučalisia damovy na pastaŭku aŭtamabilaŭ, adnak hrošy pieraličvalisia na rachunak kampanii «Salide». Pieršapačatkova mašyny sapraŭdy pastaŭlalisia ŭ adras zamoŭcaŭ, adnak paśla pastaŭki byli prypynienyja. Dyrektaram TAA «Supremasi» z roznych pryčynaŭ terminy pastaŭki pavialičvalisia, składalisia dadatkovyja dahavory, pry hetym hrošy, jakija pastupali najaŭnymi ŭ kasu pradpryjemstva, nie fiksavalisia.
Na hety čas vyjaŭlena kala 30 paciarpiełych ad dziejnaści firmaŭ. U dačynieńni da dyrektara TAA «Supremasi» Leninskim (h. Minska) RASK raspačataja kryminalnaja sprava pa fakcie machlarstva.
U Leninskim RUUS prosiać paciarpiełych źviartacca asabista abo pa telefonach (029) 356-02-20, (029) 169-46-19, (017) 368-63-49, (29) 658-78-17 albo 102.
Kamientary