Eks-lider «Lapisaŭ» viartajecca da svajho staroha repiertuaru, ad jakoha byŭ adroksia.
Upieršyniu publična pra stvareńnie sajd-prajektu, u miežach jakoha buduć vykonvacca staryja hity «Lapisaŭ», jaki nia hralisia ani ŭ miežach Brutto, ani samimi «Lapisami» poźniaha peryjadu, Siarhiej Michałok zajaviŭ 1 krasavika.
«Mianie ŭžo 10 hod uhavorvali prychilniki rańniaha kłoŭnskaha vobrazu vykanać što-niebudź z klasyki i tolki ciapier, dziakujučy maleńkamu synu, ja mahu heta zrabić biez prymusu, niazmušana dy z ahańkom», – zaznačyŭ muzyka ŭ paviedamleńni na aficyjnym akaŭncie Brutto.
Tady pradusar hurta Anton Aziźbiekian nie paćvierdziŭ Tuzin.fm praŭdzivaść hetaj zajavy. Ale ŭviečary 14 krasavika tamsama źjaviłasia novaje paviedamleńnie, u jakim viadziecca, što napraŭdu Michałok viartajecca z starym repiertuaram. «Čoknuty kłoŭn Michałok z kampanijaj byvałych dla amataraŭ pryŭkrasnaha! Navošta słuchać kaver, kali jość aryhinał? Lapis-98 – harantyja i prafesyjanalizm», – havorycca ŭ zajavie.
Pakul nieviadoma, chto budzie hrać razam ź Michałkom u hetym prajekcie. U toj ža čas Siarhiej padkreśliŭ u svaim paviedamleńni ŭ aficyjnym čacie hurta na Viber, što Brutto zastajecca i zaŭvažyŭ: «Ja mahu być surjoznym, darosłym, razvažlivym, ale cyrkač i vuličny hajer žyvuć unutry mianie».
Byłyja paplečniki Michałka, jakija zasnavali hurt Trubetskoy, zaprašeńnia dałučycca da hetaha prajektu nie atrymali. I da hetaj naviny pastavilisia ź ironijaj: «Jakaja niečakanaja i aktualnaja ideja! Upeŭnieny, što i ŭvasableńnie budzie na takim ža dastojnym uzroŭni. Cikava daviedacca, chto z składu «Lapisa Trubiackoha» ŭzoru 1998 hodu budzie brać u hetym udzieł? Ci heta miuzykł?», – zaznačyŭ u kamentary dla Tuzin.fm Jaŭhien Kałmykoŭ, były dyrektar i pradusar «Lapisa Trubiackoha», a ciapier pradusar hurtaTrubetskoy. Pradusar Brutto Anton Aziźbiekian na prośbu «Tuzina» ahučyŭ skład prajektu «Lapis-98». U jaho akrom Siarhieja Michałka ŭvojduć Dzianis Sturčanka (bas), Dzianis Šuraŭ (bubny), Pavał Traciak (hitara),Ivan Hałuška (trambon), Uładzisłaŭ Sieńkievič (truba). «Takim čynam – heta ŭsie muzyki Brutto. I ŭsie hrali ŭ «Lapisach», akrom Traciaka dy i toje było takoje, što Paša hraŭ ź «Lapisami». Taksama z prajektam buduć pracavać hukarežysery Andrej i Źmicier Babroŭka, jakija taksama pracavali ŭ «Lapisach»», – zaznačyŭ Anton.
Pieršy vychad na scenu muzykaŭ pad šyldaju «Lapis-98» adbudziecca ŭžo 21 krasavika ŭ Charkavie, u klubie «Korova». Trubetskoy ža daje akustyčny kancert u Miensku 16 krasavika ŭ klubie Coyote.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary