Ułady Małdovy majuć namier demantavać z abočyn daroh usie kryžy, ustanoŭlenyja svajakami zahinułych u DTZ. Pra heta paviedamlaje TASS sa spasyłkaj na Małdaŭskuju mitrapoliju.
U mitrapolii zajavili, što ŭkaraniełaja tradycyja supiarečyć kanonam pravasłaŭnaj carkvy. «Kryž ustaloŭvajecca, kali čałavieka chavajuć. Niapravilna pakidać kryžy tam, dzie z kim-niebudź adbylisia trahičnyja padziei», — rastłumačyŭ sakratar mitrapolii Vadzim Kiejbaš.
Svajaki zahinułych u DTZ ustaloŭvajuć sapraŭdnyja pomniki z zaharadki, viankami, fatahrafijami, datami śmierci. U carkvie ličać, što sprava zajšła zanadta daloka.
U pravaachoŭnych orhanach taksama śćviardžajuć, što takim atrybutam nie miesca na abočynie. «Zhodna z zakonam ab darohach, uzdoŭž prajeznaj častki mohuć być ustanoŭlenyja śpiecyjalnyja znaki dla abviaščeńnia kiroŭcaŭ i darožnaja raślinnaść. Usio, što da hetaha nie adnosicca, zabaroniena zakonam», — raspavioŭ hałoŭny inśpiektar Nacyjanalnaha kamisaryjata palicyi Siarhiej Saryvan.
Kamientary