Skončyłaja sustreča čempijanata śvietu pa chakiei 2016 pamiž Biełaruśsiu i Hiermanijaj.
Užo paśla pierašaha pieryjadu lik byŭ 0:3 na karyść niemcaŭ.
Našyja pačali matč vielmi badziora, prycisnuŭšy niemcaŭ da ichniaj bramy.
Nieŭzabavie niemcy jašče i zastalisia ŭ mienšaści, hłybiej prasieŭšy ŭ abaronie.
Ale našyja chakieisty nie skarystalisia bolšaściu i nieŭzabavie prapuścili šajbu z kontrataki.
Dalej pačaŭsia prosta raznos: mieniej čym praz 2 chviliny paśla pieršaha hołu biełarusy zhubili šajbu praź niaŭdały pas i prapuścili jašče raz.
Paśla hetaha hulnia nabyła ščyra nervovaje adcieńnie — absalutna niepatrebnaje vydaleńnie Kalužnaha, i niemcy zabivajuć treci raz za 6 chvilin.
Paśla hetaha Dejv Ljuis uziaŭ tajmaut.
Zrešty, bolš u pieršym pieryjadzie my nie prapuskali, bo niemcy trochi ścišylisia i imknulisia zachavać lik.
Pry hetym navidavoku była niaskładnaja hulnia biełarusaŭ — Lenhle i Płat dvojčy vychodzili sam-nasam z bramnikam i nie zabivali, bo paśla solnych prachodak im było prosta niama kamu addać pas, bo partniory pa kamandzie nie padtrymlivali ataku.
Ź niedzie 5 dobrych momantaŭ my nie vykarystali nivodny.
Druhi pieryjad pačaŭsia ź niekalkich dobrych momantaŭ biełarusaŭ.
Ale lik my razmačyli tolki na 9 chvilinie ŭ bolšaści — Andrej Ściapanaŭ padabraŭ šajbu za svajoj bramaj i, abyhraŭšy amal usiu niamieckuju kamandu, zakinuŭ.
Litaralna praz chvilinu ŭ našaj zbornaj byŭ jašče adzin dobry momant, ale my jaho nie realizavali.
Niemcy zaŭvažna asieli ŭ svajoj zonie i zarabili jašče adno vydaleńnie, trybuny pačali skandavać «Biełaruś».
Ale my znoŭ nie skarystalisia bolšaściu, zbeścili niekalki dobrych momantaŭ i prapuścili niedarečnuju 4 šajbu — niamiecki hulec kinuŭ amal što ad siniaj linii i cudam zabiŭ za 5 chvilin da kanca 2 pieryjadu.
Treci pieryjad prachodziŭ u roŭnaj hulni, z uzajemnymi atakami.
Na siaredzinie pieryjadu niemcy prapuścili druhuju šajbu. Pry hetym zalacieła jana paśla kidka ź biełaruskaj pałovy!
Heta była prosta kurjoznaja pamyłka niamieckaha bramnika, jaki ŭ situacyi, kali nie było pahrozy hoła, prosta niaŭdała apracavaŭ šajbu.
Da kanca pieryjada našyja nie zmahli zabić, choć i mieli mahčymaść.
Da taho ž, za 2 chviliny da kanca biełarusy znoŭ «zarabili» niedarečnaje vydaleńnie, praz što niemcy dahulali hulniu ŭ bolšaści i zabili nam piaty hoł u pustuju bramu.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ33
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ3
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary