Prezydent Venesueły Nikałas Madura abviaściŭ viečaram u piatnicu nadzvyčajnaje stanovišča ŭ krainie terminam na 2 miesiacy.
Jon abvinavaciŭ unutranych i źniešnich vorahaŭ u padrychtoŭcy zmovy z metaj źviaržeńnia jaho ŭradu. Niekalkimi hadzinami raniej pradstaŭniki amerykanskich vyviedsłužbaŭ dali pres-bryfinh, na jakim jany papiaredzili pra mahčymaść kalapsu krainy.
Urad Madura, pa ich słovach, znachodzicca pad padvojnym ciskam: palityčnaj apazycyi, jakaja sprabuje arhanizavać praceduru adklikańnia prezydenta i masavych pratestaŭ, jakija pašyrajucca i ŭdzielniki jakich usio čaściej źviartajucca da hvałtu.
Adsutnaść u kramach tavaraŭ pieršaj nieabchodnaści, adklučeńnie elektrazabieśpiačeńnia na niekalki hadzin kožny dzień pa ŭsioj krainie, samaja vysokaja ŭ śviecie inflacyja pryviali da stvareńnia niebiaśpiečnaj sytuacyi ŭ krainie, što moža pryvieści da kulminacyi kryzysu ŭ bližejšyja miesiacy, papiaredzili amerykanskija analityki.
Ułady Venesueły rezka skaračajuć impart dla taho, kab zekanomić srodki na absłuhoŭvańnie źniešnich daŭhoŭ ciapierašniaj vosieńniu i praduchilić defołt, ale hetaja miera paharšaje deficyt samych roznych pramysłovych tavaraŭ i charčavańnia. Na hetym tydni palicyja razahnała demanstracyi niezadavolenych hramadzian u niekalkich haradach krainy.
Pa słovach pradstaŭnikoŭ amerykanskaj raźviedki, ZŠA nie sprabujuć paŭpłyvać na raźvićcio padziej u Venesuele. Vašynhton padtrymlivaje kantakt z uradami krain rehijonu z metaj vypracoŭki mier, jakija dapamohuć praduchilić maštabny kryzys u krainie.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary