Bijołahi z Univiersiteta Dziuka vyjavili, što ŭ padletkaŭ, jakija vyraśli ŭ biednych i nieščaślivych siemjach, źmianiajecca aktyŭnaść hiena, jaki ŭpłyvaje na pracu zony mozhu, viadomaj jak mindalepadobnaje cieła.
Heta, u svaju čarhu, źviazana z bolšaj imaviernaściu ŭźniknieńnia simptomaŭ kliničnaj depresii, pieradaje Lenta.ru. U daśledavańniach ŭdzielničali 132 padletki jeŭrapieoidnaj rasy ŭzrostam 11-15 hadoŭ. Dzieci vyraśli ŭ siemjach z roznym uzroŭniem dachodu, ad nizkaha da vysokaha. Prykładna ŭ pałovy ŭ siamiejnaj historyi chvaroby fihuravała depresija, što, pa słovach navukoŭcaŭ, źjaŭlajecca adnym z samych vialikich faktaraŭ ryzyki.
U svajoj papiaredniaj pracy niejrabijołahi pakazali, što skanavańnie mindaliny — zony mozhu, jakaja adkazvaje za reakcyju arhanizma na pahrozu, — z dapamohaj funkcyjanalnaj MRT dazvalaje pradkazać, chto z bolšaj imaviernaściu budzie adčuvać depresiju ŭ adkaz na stres praź niekalki hadoŭ. Vyniki novaha daśledavańnia pakazali, što vysokaja aktyŭnaść toj ža zony mozhu ŭ vychadcaŭ ź biednych siemjaŭ, jakija majuć u svaim anamniezie depresiju, spryjajuć raźvićciu afiektyŭnych zasmučeńniaŭ.
Toje, jak mindalina reahuje na pahrozy, šmat u čym vyznačajecca pracaj hiena SLC6A4, jaki dapamahaje kantralavać uzrovień sierataninu — niejramiedyjataru, jaki hraje rolu ŭ raźvićci kliničnaj depresii. Navukoŭcy vyśvietlili, što ŭ tych, chto žyvie ŭ biednaści, pavialičvajecca kolkaść złučeńniaŭ, jakija źviazvajucca z DNK la SLC6A4 i pamianšajuć aktyŭnaść apošniaha.
-
Claude maluje hrafiki i dyjahramy niepasredna ŭ čacie
-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju26
Kamientary