Prezident Ukrainy Piatro Parašenka ŭručyŭ Nadziei Saŭčanka, jakaja siońnia viarnułasia va Ukrainu, orden «Załatoj Zorki» i nadaŭ joj zvańnie Hieroja Ukrainy.
Nahadajem, siońnia, 25 maja, stała viadoma pra abmien ukrainskaj lotčycy Nadziei Saŭčanka na rasiejskich śpiecnazaŭcaŭ Alaksandra Alaksandrava i Jaŭhiena Jerafiejeva.
Vystupajučy pierad žurnalistami, Saŭčanka zajaviła, što hatovaja pakłaści žyćcio za Ukrainu: «Ja zaŭsiody hatovaja jašče raz pakłaści svajo žyćcio na poli boju za Ukrainu. Ja zrablu ŭsio mahčymaje, kab kožnaje dzicia, jakoje siadzić ciapier u niavoli, było na voli. Usie hieroi Ukrainy nie pavinny pamirać. Vielmi vyhadna, kali hieroi miortvyja, drenna, kali jany žyvyja. Usim drenna, ale my budziem žyć, i hieroi buduć u Viarchoŭnaj Radzie Ukrainy. Jany buduć u Radzie Ukrainy, hieroi buduć na zajzdraść rasijskaj Dumie i jany buduć u słavu Ukrainy, u padziaku ŭkrainskamu narodu. U nas budzie Viarchoŭnaja Rada składacca z tych ludziej, jakija hetaha hodnyja. My budziem žyć va Ukrainie tak, jak pavinien žyć čałaviek. Ja nie viedaju, jak heta zrabić, ja vam ščyra kažu. Ja nie budu abiacać, što heta budzie zaŭtra. Ja vam skažu, što ja hatovaja pamierci kožnuju siekundu za toje, kab heta było. I heta budzie!»
Ciapier čytajuć
Zahinuŭ biełaruski dobraachvotnik Vasil «Dzir» Rapicki11
Kamientary