Kampanija «Interrydžynał Enerdžy Kampani HmbCh» (FRH) pabuduje try soniečnyja elektrastancyi i bijahazavy kompleks u Kaściukovickim rajonie, paviedamili ŭ kamitecie ekanomiki Mahiloŭskaha abłvykankama.
Pamiž Biełaruśsiu i niamieckaj kampanijaj zaklučanyja dźvie inviestycyjnyja damovy na ahulnuju sumu inviestycyj Vr85 młrd. Hetyja prajekty praduhledžvajuć u pieryjad da 2017 hoda budaŭnictva troch fotaelektryčnych stancyj sumarnaj mahutnaściu 4,5 MVt (1,5 miehavata kožnaja) i bijahazavaha kompleksu (u v. Niźki) dla vytvorčaści elektryčnaj i ciepłavoj enierhii mahutnaściu da 1 MVt. Dla absłuhoŭvańnia hetych abjektaŭ płanujecca stvaryć nie mienš za siem pracoŭnych miescaŭ.
Na realizacyju prajekta pa ŭźviadzieńni stancyj užo nakiravana bolš za Vr26 młrd inviestycyj (zamiežnyja kredyty i pazyki nierezidentaŭ Biełarusi). Pieršuju stancyju mahutnaściu 1,5 MVt płanujuć uvieści ŭ stroj u lipieni biahučaha hoda. Budaŭnictva bijahazavaha kompleksu znachodzicca na stadyi prajektavańnia.
«Hetyja prajekty nakiravanyja na stvareńnie ŭ rajonie krynic tannaj ekałahična čystaj adnaŭlalnaj enierhii. Uvod u ekspłuatacyju nazvanych abjektaŭ daść mahčymaść zabiaśpiečyć patrebnaści Kaściukovičaŭ u elektraenierhii i častkova ŭ ciepłavoj enierhii. Liški elektraenierhii płanujecca pradavać u ahulnuju enierhasietku krainy», — rastłumačyli ŭ kamitecie ekanomiki.
Kamientary