«Litoŭskija ŭłady vyrašyli myškavać». Łukašenka zahadaŭ ździerci vialikija hrošy z kožnaha litoŭskaha hruzavika
Siońnia na pačatku narady pra płany na nastupnaje piacihodździe Alaksandr Łukašenka vyrašyŭ adrazu vykazacca pra situacyju z zakryćciom litoŭskaj miažy.
«Jak zvyčajna, ad surjoznych miždziaržaŭnych prablem litoŭskija ŭłady vyrašyli myškavać i pasprabavać nas jašče raz abvinavacić i nachilić u hetych ci to šarykach, ci to jašče ŭ čymści.
My hatovyja da adkryćcia miažy daŭno. My jaje nie zakryvali», — skazaŭ jon.
Alaksandr Łukašenka zahadaŭ brać z kožnaha litoŭskaha hruzavika za stajanku 120 jeŭra za sutki. Kali hetyja hrošy nie buduć vypłačanyja, ciahačy i fury buduć kanfiskavanyja.
Pakidać terytoryju Biełarusi praz trecija krainy furam zabaroniena, pakul Litva trymaje miažu zakrytaj.
Pry hetym kiroŭcam hruzavikoŭ budzie dazvolena viarnucca ŭ Litvu.
«Buduć evakuiravać — chaj evakuirujuć. Heta nie našyja pytańni. I ŭvohule my, napeŭna, amal ničoha nie vozim praz hetuju miažu ŭ suviazi z sankcyjami. Tolki niejkija vidy tavaraŭ, jakija vielmi-vielmi patrebnyja tym ža litoŭcam ci palakam. Vielmi-vielmi patrebnyja — zakazali, my advieźli. Nie zakazali — my tudy nie viaziom. A z kazachami, rasijanami, kitajcami, inšymi krainami im [Litvie] daviadziecca vielmi surjozna nie prosta tłumačycca, a raźbiracca. Tamu što tak nichto nie robić», — skazaŭ jon.
«Pra ŭsio astatniaje my jašče pahavorym u najbližejšy čas na pieramovach z delehacyjaj Złučanych Štataŭ Amieryki. Adčuvaju, što bieź ich tut nie abyšłosia», — dadaŭ Alaksandr Łukašenka.
U Biełarusi zachraśli niekalki tysiač litoŭskich ciahačoŭ i paŭpryčepaŭ, Minsk zabaraniaje ich ruch pa krainie.
Litva vykazvała nadzieju, što punkt «Salečniki» («Bieniakoni»), niahledziačy na zakrytuju da 30 listapada miažu, časova budzie adkryty dla viartańnia litoŭskich furaŭ, ale Biełaruś admoviłasia heta rabić.
Punkty propusku na miažy byli zakrytyja Litvoju da 30 listapada ŭ adkaz na hibrydnyja ataki, praź jakija ŭźnikła pahroza hramadzianskaj avijacyi, zakryvalisia aeraporty, byli zakranuty niekalki dziasiatkaŭ rehularnych rejsaŭ, paciarpieli niekalki dziasiatkaŭ tysiač pasažyraŭ.
Mytny kamitet pryhraziŭ Litvie zachadami ŭ dačynieńni da hruzavikoŭ, što znachodziacca ŭ Biełarusi
MZS Biełarusi paviedamiŭ, kali adkryjecca miaža dla litoŭskich hruzavikoŭ
Litva moža całkam spynić pieravozki biełaruskich hruzaŭ čyhunkaju
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary
Iš, kakaja-to, diemokratičieskaja šiełupoń, v vidie Litvy, krošit kroški na druha Trampa.
Ostap riešił, čto tranzit čieriez Litvu u nieho v karmanie, on žie druh Trampa, poetomu možno doiť litovskich avtopierievozčikov.
Vsio, kak vsiehda....