Kataliki Biełarusi pravodziać Dzień pieraprašeńnia za złačynstvy savieckaha ateizmu
Katalickija vierniki molacca za vyhnańnie złych duchaŭ ad biełaruskaha narodu. Kaścioł u Biełarusi pravodzić Dzień pieraprašeńnia.
vezha.info
U kožnaj katalickaj parafii krainy 3 červienia – va ŭračystaść Najśviaciejšaha Serca Jezusa – paśla imšy słužać admysłovaje «Nabaženstva pieraprašeńnia» za abrazu śviatyniaŭ, duchoŭnych asob, za hrachi śviataroŭ, viernikaŭ i ŭsio zło narodu. U hety dzień biskupy zaklikali ŭsich viernikaŭ prytrymlivacca postu.
«Nabaženstva pieraprašeńnia» pavodle katalickaj duchoŭnaści – heta peŭny ekzarcyzm, vyhnańnie złych duchaŭ ad usiaho biełaruskaha narodu. U pryvatnaści, vierniki molacca za śviatyni, pieraabstalavanyja pad składy, fabryki i zavody, spartyŭnyja zały, za ludziej, jakija źniščyli bažnicy, za źniavahu śviatychabrazoŭ, za praklinańnie Carkvy, za škodu, naniesienuju Carkvie pry dapamozie mahii dy akultnych praktyk, za pieraškody ŭ budaŭnictvie śviatyniaŭ, za ateizm i adychod ad viery i hetak dalej.
Taksama vierniki prosiać prabačeńnia za hrachi śviataroŭ, u tym liku za tych, jakija padavali drenny prykład žyćcia, upadali ŭ spakusy, drenna vykonvali svaje abaviazki.
Treciaja častka «Nabaženstva pieraprašeńnia» – za hrachi samich viernikaŭ, u tym liku za vieru ŭ zababony i varažbu, za praklony i šukańnie dapamohi ŭ niačystaj siły z metaj naškodzić bližniamu, a taksama za razvody, aborty, nianaviść, pychu i ehaizm i hetak dalej.
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary