Rekamiendacyja Nacbanka: paśla 1 lipienia lepš vydavać reštu novymi hrašyma
Nacbank razasłaŭ bankam i inkasatarskim arhanizacyjam list, u jakim raśpisany paradak abychodžańnia z hrašovaj najaŭnaściu paśla 1 lipienia 2016 hoda. Dakumient źviazany z pytańniami, jakija ŭźnikajuć z-za paralelnaha chadžeńnia starych i novych hrošaj, jakoje praduhledžana ciaham paŭhoda paśla denaminacyi.
Bolšaść momantaŭ datyčacca mienavita raboty bankaŭ i inkasataraŭ. Naprykład, Nacbank patłumačyŭ, što paśla 1 lipienia pradpryjemstvy i arhanizacyi, a taksama indyvidualnyja pradprymalniki, jakija zdajuć najaŭnaść praz słužby inkasacyi, pavinny farmiravać ŭpakoŭki starych i novych banknot asobna. «Prydatnym banknoty uzoru 2000 hoda pakazvajucca ŭ supravadžalnaj vopisu jak staryja», - havorycca ŭ liście Nacbanka.
Akramia hetaha, rehulatar jašče raz nahadaŭ, što z 1 lipienia banki i abjekty handlu mohuć vydavać reštu klijentam jak starymi, tak i novymi hrašyma.
Pry hetym «dla paskareńnia pracesu ŭviadzieńnia ŭ abaračeńnie ŭ Biełarusi hrašovych znakaŭ novaha ŭzoru i spraščeńnia raźlikaŭ rekamiendujem bankam ažyćciaŭlać vydaču klijentam z kas bankaŭ pieravažna hrašovych znakaŭ uzoru 2009 hoda», - adznačaje Nacbank u svaim liście.
Kamientary