U Łondanie pakazali śpiektakl pavodle vośmaj knihi «Pateryjany» Džoan Roŭlinh.
Pastanoŭka «Hary Poter i praklataje dzicia» raspaviadaje pra darosłaha Hary i jaho syna-padletka Albusa. Dziejańnie adbyvajecca praz 19 hadoŭ paśla bitvy za Chohvarts.
Pavodle siužeta, starejšamu Poteru kala 40 hadoŭ, jon žanaty, pracuje ŭ ministerstvie mahii i vychoŭvaje traich dziaciej. Jamu davodzicca adyści ad dziaržaŭnych spraŭ i razam z synam ustupić u bitvu ź siłami, jakija imknucca adpomścić za zroblenyja ŭ minułym podźvihi.
Akramia samoha Hary ŭ pjesie fihurujuć i inšyja hałoŭnyja hieroi «Pateryjany» — Hiermijona, Ron, Džyni, a taksama ich viečny praciŭnik Draka Małfoj. Praŭda, piersanažaŭ nie paznać — ich hrajuć inšyja akciory.
Premjera, jak i čakałasia, prajšła pry poŭnym anšłahu. Bolš za toje, toje ž samaje budzie na ŭsich śpiektaklach u bližejšyja miesiacy — usie kvitki da maja 2017 ŭžo raskupili.
Z-za ažyjatažu Džoan Roŭlinh navat vypuściła videazvarot da tych, kamu pašancavała siarod pieršych ŭbačyć pradstaŭleńnie. Paprasiła nie vydavać detali siužetu, a ŭ sacsietkach byŭ zapuščany chešteh #keepthesecrets («#trymajsakrety») dla taho, kab pastanoŭku nie sapsavali spojlery.
Scenar śpiektakla budzie nadrukavany asobnaj knihaj. Anhlijskaja viersija źjavicca ŭ prodažy 31 lipienia.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Što Babaryka i Kaleśnikava adkazali na pytańni pra vajnu97
Kamientary