Kurdskija bajeviki ŭziali adkaznaść za niadaŭni terakt u Stambule i papiaredzili zamiežnych turystaŭ pra toje, što Turcyja pierastała być dla ich biaśpiečnaj krainaj.
Arhanizacyja «Jastraby svabody Kurdystana» apublikavała na svaim sajcie zajavu, u jakoj uziała na siabie adkaznaść za terakt u Stambule 7 červienia, jaki zabraŭ žyćci bolš za 10 čałaviek. U zajavie arhanizacyja patłumačyła svaje dziejańni pomstaj za pavietrany ŭdar, jaki tureckaja armija naniesła pa pazicyjach kurdaŭ na paŭdniovym uschodzie krainy.
«My papiaredžvajem turystaŭ. Zamiežniki nie naša meta, ale Turcyja bolš nie źjaŭlajecca biaśpiečnaj krainaj dla ich»,— śćviardžajecca ŭ zajavie.
Vybuch u stambulskim rajonie Vieźniedžlijer adbyŭsia 7 červienia. Pobač z palicejskim aŭtobusam vybuchnuŭ načynieny vybuchoŭkaj aŭtamabil. U vyniku napadu zahinuli 11 čałaviek — siamiora palicyjantaŭ i čaćviora cyvilnych.
Kamientary