Pravacentrysckaja kaalicyja ŭzhadniła śpis pretendentaŭ u kandydaty pa 95 sa 110 akruhaŭ
Pravacentrysckaja kaalicyja, u jakuju ŭvachodziać ruch «Za Svabodu», Abjadnanaja hramadzianskaja partyja i arhkamitet pa stvareńni partyi «Biełaruskaja chryścijanskaja demakratyja», uzhadniła śpis pretendentaŭ u kandydaty ŭ deputaty pa 95 sa 110 vybarčych akruhaŭ. Pra heta było zajaŭlena 10 červienia na pres-kanfierencyi ŭ Minsku.
Pavodle słoŭ pieršaha namieśnika staršyni ruchu «Za Svabodu» Juryja Hubareviča, pretendenty ad pravacentrysckaj kaalicyi buduć vyłučacca jak šlacham zboru podpisaŭ, tak i ad palityčnaj partyi. «My chočam ŭličyć vopyt papiarednich kampanij, kali adnym z samych słabych miescaŭ, na jakoje moža nacisnuć ułada, kab nie zarehistravać kandydata, była padača padpisnych listoŭ i pryznańnie ich niesapraŭdnymi. Tamu my budziem prasić AHP padstrachavać nas i vyłučyć našych pretendentaŭ kandydatami na źjeździe», — skazaŭ jon.
Hubarevič paviedamiŭ, što pravacentrysckaja kaalicyja padrychtavała sumiesnaje pasłańnie, jakoje buduć vykarystoŭvać kandydaty ŭ deputaty. «Jaho punkty tyčacca supolnych kaštoŭnaściaŭ, jakija nas abjadnoŭvajuć. Heta svaboda, hodnaść asoby, demakratyčnaje ŭładkavańnie Biełarusi, unikalnaść biełaruskaj movy i nacyjanalnych tradycyj. My vystupajem za jeŭrapiejski vybar Biełarusi jak sposab adstojvańnia našych nacyjanalnych intaresaŭ i harantyju ŭstojlivaha raźvićcia dziaržavy i hramadstva», — adznačyŭ jon.
Taksama siarod hałoŭnych pryjarytetaŭ prahramy, skazaŭ Hubarevič, značacca «adnaŭleńnie demakratyi, viartańnie parłamienckaj formy kiravańnia i praviadzieńnie palityčnych reformaŭ, baraćba z karupcyjaj, supraćdziejańnie pahrozam suvierenitetu z boku Rasii, maksimalnaje zbližeńnie z krainami Jeŭrasajuza, šyrokaje infarmavańnie hramadzian ab pieravazie jeŭrapiejskaha vybaru krainy».
Asobna Hubarevič adznačyŭ, što pravacentrysckaja kaalicyja «na siońnia źjaŭlajecca adzinaj paśladoŭnaj prajeŭrapiejskaj siłaj unutry Biełarusi». «Na hetych pryncypach my i budziem budavać kampanii našych kandydataŭ», — padkreśliŭ jon.
Hubarevič ličyć, što parłamienckija vybary, jakija adbuducca 11 vieraśnia, projduć «nie tak hładka», jak kažuć pradstaŭniki ŭłady. «Na niekatorych našych pretendentaŭ užo robicca nacisk, u pryvatnaści pa miescy pracy», — paviedamiŭ jon.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary