Źjaviŭsia servis lehalnaha, ale płatnaha spampoŭvańnia biełaruskaj litaratury
Biełaruskich aŭtaraŭ zaraz možna spampavać na servis kniharnia.by lehalna, ale płatna. A z kožnaj takoj kopii elektronnaj knihi sajt płacić hanarar aŭtaru.
Usie pradstaŭlenyja knihi, jak zajaŭlajuć stvaralniki sajta, majuć dazvoł ad aŭtaraŭ abo pravaŭładalnikaŭ. Takim čynam niama paturańnia piratam, jakija prapanujuć biaspłatna spampavać knihu, a čytačy ŭznaharodžvajuć piśmieńnikaŭ za ich tvorčaść i ŭpadabanyja tvory.
— Čamu my biarem hrošy za knihi? Bo za knižki treba płacić. Zapłačanyja vami hrošy iduć aŭtaru, jaki stvaraje tvor, i na padtrymku našaha prajekta, jaki dazvalaje danieści elektronnuju knihu ad aŭtara da vas — čytača. Tak pryniata va ŭsim cyvilizavanym śviecie. Kali vy zachodzicie ŭ kniharniu, vam ža nie razdajuć knihi biaspłatna? My ćviorda vierym, što čas piractva dla kulturnych ludziej syšło ŭ niabyt, — pierakananyja stvaralniki sajta.
Kiraŭnictva kniharnia.by suprać piractva, bo pierakananaje, što tvorčaść piśmieńnika ci paeta — składanaja praca, u asnovie jakoha lažyć talent.
— Nie kožny moža napisać cikavuju i dobruju knihu. Tamu «pirackija» razdačy knih biez dazvołu z boku aŭtara — heta, pa mienšaj miery, niepryhožaje i niepavažlivaje staŭleńnie da piśmieńnickaj pracy, — miarkujuć na sajcie.
Sajt taksama pracuje jak elektronnaje vydaviectva. Vydać elektronnuju knihu značna tańniej, čym nadrukavać na papiery. Pačatkoviec, aŭtar atrymlivaje mahčymaść zajavić pra siabie, a jaho knihi vykładvajucca i na suśvietnych handlovych płatformach, ź jakimi supracoŭničaje kniharnia.by: Amazon, iTunes, GooglePlay, Smashwords, Barnes & Noble, Kobobooks.
Spampavać knihi možna ŭ lubym zručnym farmacie: EPUB, MOBI, PDF, TXT, DOC, FB2. Košt vahajecca ad 20 da 50 tysiač rubloŭ.
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary