Premjer-ministr Vialikabrytanii Devid Kemieran zajaviŭ, što Vialikabrytanija pavinna padtrymlivać ź ES samyja blizkija adnosiny paśla «breksita».
Kemieran zaklikaŭ brytancaŭ nie advaročvacca ad Jeŭropy.
Premjer-ministr taksama spadziajecca, što pieramovy ab vychadzie krainy ź ES buduć nastolki kanstruktyŭnyja, nakolki mahčyma.
Brytanski premjer ciapier znachodzicca na samicie krain ES u Brusieli. Heta pieršy samit paśla abviaščeńnia vynikaŭ refierendumu, na jakim brytancy padtrymali vychad krainy ź ES.
Mnohija lidary ES zaklikajuć Vialikabrytaniju jak maha chutčej pačać praces vychadu z sajuza. Padobnuju zajavu ŭ hety aŭtorak zrabiŭ kiraŭnik Jeŭrakamisii Žan-Kłod Junkier.
Sam Kemieran zajaviŭ, što hetym budzie zajmacca novy premjer-ministr krainy, jaki budzie abrany vosieńniu.
Raniej kancler Hiermanii Anhieła Mierkiel zajaviła, što padtrymlivać blizkija adnosiny ź ES u intaresach Vialikabrytanii, dadaŭšy, što ŭ krainy nie atrymajecca «źniać viarški» ź pieramoŭ ab «breksicie».
«Pavinna być i budzie prykmietnaja roźnica pamiž tym, choča kraina być členam siamji Jeŭrapiejskaha sajuza ci nie», — cytuje słovy Mierkiel ahienctva Frans pres.
-
Letni samit G7 pieraniasuć, kab dać Trampu adśviatkavać jubilej
-
«Mnie nie patrebna mižnarodnaje prava — u mianie niama namieru pryčyniać ludziam škodu». Tramp patłumačyŭ, navošta jamu Hrenłandyja
-
Masavyja pratesty ŭ Iranie praciahvajucca. Pratestoŭcy zaklikajuć da źviaržeńnia ajatały Ali Chamieniei i viartańnia Rezy Piechlevi
Kamientary