Lech Valensa paraiŭ kamandziru eśminca ZŠA źbivać rasijskija samaloty
Eks-prezident Polščy Lech Valensa zajaviŭ, što na miescy kapitana eśminca ZŠA «Donald Kuk», pobač ź jakim pralatali rasiejskija bambaviki, źbiŭ b ich.
«Kali b ja byŭ kamandziram hetaha karabla, i jany [ruskija] pralatali b, ja źbiŭ by ich. Nie zabivaŭ by. Stralaŭ by pa kryłach», — skazaŭ Valensa ŭ intervju radyjo «Svaboda».
Adkazvajučy na zaŭvahu žurnalista, što takija dziejańni pryviaduć da kanfliktu, Valensa adznačyŭ: «Nijakaha kanfliktu. Jaki kanflikt? Nichto jaho nie choča, i ruskija jaho nie chočuć».
Pavodle jaho, Rasija choča damahčysia pieramohi «zastrašvańniem i šantažom». «Rasija nie moža dazvolić sabie kanflikt, heta žudasna doraha», — skazaŭ palityk.
U krasaviku ZŠA vinavacili Rasiju ŭ tym, što rasijskija bambaviki «Su-24» niekalki razoŭ pralatali ŭ niepasrednaj blizkaści ad eśminca VMS ZŠA «Donald Kuk» u Bałtyjskim mory.
Raniej źbivać rasijskija samaloty, kali tyja ździajśniajuć niebiaśpiečnyja manieŭry, prapanoŭvaŭ kandydat u prezidenty ZŠA Donald Tramp.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach11
Kamientary