Chakiery vykłali ŭ adkryty dostup piersanalnyja dadzienyja bolš za 150 tysiač karystalnikaŭ sajta anłajn-znajomstvaŭ Muslim Match.
U rasparadžeńni uzłomščykaŭ taksama akazalisia bolš za 700 tysiač asabistych paviedamleńniaŭ z sajta. U niekatorych ź ich, siarod inšaha, abmiarkoŭvajucca prablemy šmatžonstva.
Paśla chakierskaj ataki na sajcie źjaviłasia paviedamleńnie pra toje, što jaho administratary pracujuć nad adnaŭleńniem resursu i pavyšeńniem ŭzroŭniu biaśpieki.
U adkrytym dostupie akazalisia ŭ tym liku imiony i elektronnyja adrasy karystalnikaŭ, ich akaŭnty ŭ Skype, siamiejnaje stanovišča i relihijnyja pieravahi.
Na staroncy sajta ŭ fejsbuku adznačajecca, što resurs pryznačany dla «adzinokich, raźviedzienych, aŭdaviełych musulman, jakija abjadnoŭvajucca dla taho, kab abmianiacca idejami i znajści partniora dla šlubu».
Bolšaja častka karystalnikaŭ, čyje dadzienyja byli vykradzienyja, žyvuć u ZŠA, Brytanii i Pakistanie.
Praca sajta časova prypynienaja. Jak čakajecca, jon znoŭ zapracuje paśla zakančeńnia śviatoha dla musulman miesiaca Ramadan.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio17
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary