U Łojevie na niezaležnych žurnalistaŭ skłali šeść administracyjnych pratakołaŭ
Homielski žurnalist-fryłansier Kanstancin Žukoŭski i jaho kaleha Alaksiej Atroščanka atrymali pa pošcie šeść administracyjnych pratakołaŭ, składzienych u Łojeŭskim RAUS, — dva ŭ dačynieńni da Atroščanki i čatyry ŭ dačynieńni da Žukoŭskaha.
Žurnalistaŭ abvinavačvajuć u niepadparadkavańni i abrazie supracoŭnikaŭ milicyi, a taksama ŭ drobnym chulihanstvie. Pratakoły pieradadzieny na razhlad u sud Łojeŭskaha rajona. Jak paviedamiŭ Žukoŭski, usie pratakoły składzieny 28 červienia, u toj čas jak pozvy ab jaŭcy dla ich składańnia, datavanyja 27 červienia, pa pošcie fryłansiery atrymali tolki 30 červienia. Pra heta žurnalisty ŭkazali ŭ skarhach na imia načalnika Łojeŭskaha RAUS, adznačyŭšy, što składańnie pratakołaŭ pry adsutnaści samich abvinavačvanych źjaŭlajecca surjoznym parušeńniem administracyjnaha pracesu, jakoje pavinna paciahnuć za saboj admienu pratakołaŭ.
Žurnalistaŭ zatrymali 21 červienia ŭ Łojevie, dzie jany zdymali siužet ab ciažkim ekanamičnym stanoviščy cahlanaha zavoda. Fryłansieraŭ zatrymali, dastavili ŭ adździeł milicyi, aparaturu vychapili z ruk. Pry hetym Žukoŭskaha pavalili na padłohu, nadzieli kajdanki, stanavilisia nahoj na hałavu.
«U ich była vydatnaja mahčymaść reabilitavacca — razabracca ŭ tym, što adbyłosia. Ale ŭłada dziejničaje pa staroj schiemie: svaje złačynstvy nie pryznaje i abvinavačvaje nievinavatych. Pratakoły całkam sfalsifikavanyja, u tym liku za abrazu. Ja kazaŭ u RAUS tolki ab tym, što parušalniki zakona jašče adkažuć za svaje dziejańni, i pažadaŭ, kab parušalniki zakona i ich naščadki da piataha kalena zachvareli i vymierli, jak heta było z katami NKVD. Heta było skazana ŭ dačynieńni da parušalnikaŭ zakona ŭ pryncypie, a nie pra niekaha kankretna. Hetyja słovy ja paŭtaru i na sudzie», — zajaviŭ Žukoŭski.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary