Rasijski prapahandyst Sałaŭjoŭ źbirajecca vystupić u vialikaj zale Pałaca Respubliki. Za hrošy
U internecie źjaviłasia infarmacyja, što rasijski prapahandyst i tieleviadoŭca Uładzimir Sałaŭjoŭ u listapadzie płanuje pryjechać ŭ Minsk sa svaim «tvorčym viečaram».
«Usio, što jon robić, vyklikaje samyja burnyja emocyi. Da jaho mierkavańnia prysłuchoŭvajucca, jano aŭtarytetnaje», — apisvaje vystupoŭcu sajt palace.by i dadaje, što hledačy zmohuć «nie tolki vysłuchać mierkavańnie adnaho z samych znanych daśledčykaŭ i analitykaŭ rasijskaj sučasnaści, ale i zadać svaje pytańni».
Košt kvitkoŭ na vystup prapahandysta dasiahaje 65 dalaraŭ u ekvivalencie.
«Tvorčy viečar» źbirajucca pravieści ŭ vialikaj zale Pałaca Respubliki — heta pry tym, što našaj nobieleŭskaj łaŭreatcy Śviatłanie Aleksijevič niadaŭna dali vystupić tolki ŭ małoj.
Uładzimir Sałaŭjoŭ viadomy svajoj žurnalisckaj hnutkaściu, jakaja zaŭsiody supadaje z palityčnaj pazicyjaj Kramla. Kali treba, jon raskazvaje pra «fašysckuju chuntu» i raspalvaje varožaść da ŭkraincaŭ. Kali treba, abvinavačvaje Łukašenku ŭ antyrasijskaj rytorycy.
U «tok-šou» Sałaŭjova rejtynhi zvyčajna nakručvajucca tak, jak heta vyhadna prapahandzie.
Ciapier čytajuć
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary