Ź Biełarusi vydvarajuć troch katalickich śviataroŭ: Minska-Mahiloŭskaja archidyjacezija vykazvaje abureńnie
Kuryja Minska-Mahiloŭskaj archidyjacezii apublikavała zajavu z nahody nieŭzhadnieńnia dušpastyrskaj dziejnaści troch śviataroŭ z Polščy.
Rašeńnie ŭ dačynieńni troch katalickich śviataroŭ pierahledžana: jany zastajucca ŭ Biełarusi
«Radasnyja śviatkavańni ciarebranaha jubileju zasnavańnia Minska-Mahiloŭskaj mitrapolii, jakija ŭznačaliŭ śpiecyjalny pasłańnik Śviatoha Ajca Franciška Jaho Eminencyja arcybiskup Vieny kardynał Krystaf Šonbarn OR, byli azmročany rašeńniem dziaržaŭnych uładaŭ ab nieŭzhadnieńni dušpastyrskaj dziejnaści troch śviataroŭ z Polščy:
daminikanina a. Ramana Šulca — probašča parafii Sv. Kazimira ŭ Mahilovie, kanvientualnaha franciškanina a. Lecha Bachaneka — probašča parafii Sv. Michała Archanioła ŭ Iviancy, abłata a. Ježy Katoŭskaha — probašča parafii Najśviaciejšaha Serca Jezusa i sv. Kryštafa ŭ Kałodziščach (Minski r-n).
11 lipienia h.h. ja [Tadevuš Kandrusievič] razam ź biskupskim vikaryjem dla Mahiloŭskaj vobł. Jaho Ekscelencyjaj biskupam Alaksandram Jašeŭskim SDB sustreŭsia z Upaŭnavažanym pa spravach relihij i nacyjanalnaściaŭ pry Saviecie Ministraŭ Respubliki Biełaruś Leanidam Paŭłavičam Hulakam z metaj vyśvietlić pryčynu admovy dla słužeńnia vyšejzhadanym śviataram i prasić dazvołu dla ich paciahnuć svajo słužeńnie.
Adnak ź vialikim žalem pavinien paviedamić, što my nie daviedalisia ab kankretnych pryčynach takoha rašeńnia i pačuli rašučuju admovu mahčymaści ich dalejšaha słužeńnia ŭ Biełarusi.
Hetyja śviatary doŭha i vielmi plonna słužyli viernikam Biełarusi — budavali i ramantavali kaścioły, katechizavali, zajmalisia chryścijanskim vychavańniem dziaciej i moładzi, dabračynnaściu i h.d. Dastatkova tolki pahladzieć na kaścioł sv. Michała Archanioła ŭ Iviancy, jaki dziakujučy namahańniam a. Lecha Bachaneka OFM Conv sa źniščanaha paŭstaŭ nanova jak šedeŭr sakralnaj architektury! A kolki dziaciej štodzionna prychodzić na zroblenuju im pry kaściole placoŭku dla ich! A jakija mahčymaści jon stvaryŭ junakam, dziaŭčatam i darosłym zajmacca sportam i vieści zdarovy ład žyćcia! Nie tolki ŭ Biełarusi, ale i daloka pa-za jaje miežami viadomyja arhanizavanyja im Dni moładzi, «Muzyčnyja majsterni» i Parafijady!», — adznačajecca ŭ paviedamleńnie kuryi katalickaj archidyjacezii.
Zvarot padpisany Arcybiskupam Tadevušam Kandrusievičam z prośbaj da śviataroŭ pračytać jaho viernikam 17 lipienia padčas imšy ŭ kaściołach.
14 lipienia rašeńnie ŭ dačynieńni troch katalickich śviataroŭ pierahledžana: jany zastajucca ŭ Biełarusi
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary