Kolkaść achviar sutyknieńniaŭ u Turcyi ŭ chodzie niaŭdałaha vajskovaha pieravarotu vyrasła da 265 čałaviek, paviedamili ŭ administracyi prezidenta krainy Redžepa Taipa Erdahana.
Jak havorycca ŭ paviedamleńni, pry sprobie pieravarotu byli zabityja 104 miaciežniki, astatnija achviary — cyvilnyja asoby. Ź ich 20 čałaviek udzielničali ŭ sutyknieńniach na baku miaciežnych vajskoŭcaŭ. Kolkaść paranienych aceńvajecca ŭ 1500 čałaviek.
U subotu parłamient, budynak jakoha surjozna paciarpieŭ padčas padziej minułaj nočy, pačaŭ ekstranaje pasiedžańnie. Na im ŭsie čatyry prysutnyja ŭ pałacie frakcyi asudzili sprobu pieravarotu.
Za ŭvieś čas paśla paŭstańnia aryštavanyja 2389 čałaviek, u tym liku vysokapastaŭlenyja vajskoŭcy. Taksama stracili svaje pasady 2745 sudździaŭ roznych uzroŭniaŭ, uklučajučy sudździu Viarchoŭnaha suda krainy Alparsłana Altana.
Kamientary