Suśvietnaje antydopinhavaje ahienctva zaklikała źniać Rasiju z Alimpijady

Aficyjny pradstaŭnik Suśvietnaha antydopinhavaha ahienctva (VADA) Ben Nikałs zajaviŭ, što VADA zaklikaje adchilić rasijskich spartoŭcaŭ ad usich mižnarodnych spabornictvaŭ, uklučajučy Alimpijadu 2016 hoda ŭ Rya-de-Žaniejra.

WADA calls on Sport Movement to deny Russian athletes participation at international comp including Rio until "culture change" achieved

— Ben Nichols (@WADA_BCNichols) 18 ijula 2016 h.

U dakładzie VADA, jaki byŭ pradstaŭleny raniej 18 lipienia, niama rekamiendacyi ab adchileńni rasijskich spartoŭcaŭ ad spabornictvaŭ.

***

Prezident Mižnarodnaha alimpijskaha kamiteta Tomas Bach nazvaŭ vysnovy rasśledavańnia Ryčarda Makłarena, ahučanyja siońnia ŭ Taronta, šakujučymi. «Heta biesprecedentnaja ataka na prystojnaść sportu i Alimpijskich hulniaŭ», — skazaŭ Bach.

MAK zajaviŭ, što ŭvažliva vyvučyć składanyja i detalovyja abvinavačvańni, vyłučanyja ŭ adras rasiejskaha minsporta. «MAK nie spynicca pierad tym, kab pryniać samyja surovyja miery suprać zamiašanych ludziej abo arhanizacyj», - havorycca ŭ zajavie kamiteta.

Členy prezidyuma MAK praviaduć telefonnuju kanfierencyju ŭ aŭtorak, kab abmierkavać i pryniać pieršyja rašeńni.

***

Ryčard Makłaren zajaviŭ siońnia, što sistema dopinhu ŭ rasijskim sporcie pracavała nie tolki na Alimpijskich hulniach, ale i na čempijanacie śvietu pa lohkaj atletycy ŭ 2013 hodzie, na Univiersijadzie ŭ Kazani, a taksama na ČS pa vodnych vidach sportu.

Vykankam Mižnarodnaha alimpijskaha kamiteta (MAK) 19 lipienia praviadzie telefonnuju kanfierencyju adnosna zajaŭ, jakija byli zroblenyja ŭ spravazdačy niezaležnaj kamisii Suśvietnaha antydopinhavaha ahienctva (WADA), paviedamlaje sports.ru.

Arhanizacyja maje namier pryniać pieršyja rašeńni adnosna mier pakarańnia tych, chto byŭ uciahnuty ŭ rasijskuju dopinhavuju sistemu. Taksama budzie ŭźniata pytańnie ab časovych sankcyjach, źviazanych z Alimpijadaj u Rya.

Pavodle spravazdačy kamisii WADA, Ministerstva sportu Rasii kantralavała praces padmieny stanoŭčych dopinh-probaŭ u Sočy-2014 pry ŭdziele FSB, Centra spartyŭnaj padrychtoŭki, a taksama dvuch łabaratoryj — u Maskvie i Sočy.

Mietad utojvańnia stanoŭčych dopinh-probaŭ ŭžyvaŭsia ŭ pieravažnaj bolšaści jak zimovych, tak i letnich vidaŭ sportu. Samaja vialikaja kolkaść utojenych testaŭ było vyjaŭlena ŭ lohkaj atletycy — 139 probaŭ.

Siońniašniaja pieršaja staronka rasijskaha Sport-Ekspriessa

Pavialičyć

• 0
• 0
• 0
• 0
• 0
• 0
• 0
• 0